ബത്തേരി: കെഎസ്ആർടിസി ഡിപ്പോയിലെ 15 ജീവനക്കാർക്ക് കോവിഡ്. 7 ഡ്രൈവർമാർ, 5 കണ്ടക്‌ടർമാർ, 3 മെക്കാനിക്കൽ ജീവനക്കാർ എന്നിവർക്കാണ് രോഗം സ്‌ഥിരീകരിച്ചത്‌. ഇവരിൽ ഭൂരിഭാഗവും വീടുകളിൽ ചികിൽസയിലാണ്.
അതേസമയം, സുൽത്താൻ ബത്തേരിയിൽ നിന്ന് ബെംഗളൂരുവിലേക്കുള്ള സർവീസ് കർണാടക അധികൃതർ പരിശോധന കർശനമാക്കിയതോടെ നിർത്തിവെച്ചു. ഉച്ചക്ക് ബത്തേരി ഡിപ്പോയിൽ നിന്ന് യാത്ര ആരംഭിച്ച് കോഴിക്കോട് എത്തി തിരിച്ച് ബംഗളൂരുവിലേക്ക് പോകുന്ന സർവീസാണ് നിർത്തിയത്. കോവിഡ് രൂക്ഷമായതോടെ കളക്ഷൻ തീരെ കുറഞ്ഞെന്നും അതിനാലാണ് ഈ മാസം 30 വരെ സർവീസ് നിർത്തിവെക്കുന്നതെന്നും കെഎസ്ആർടിസി അധികൃതർ പറഞ്ഞു.
Read also: ആരോഗ്യ പ്രവർത്തകരിൽ കൂട്ടത്തോടെ കോവിഡ്; ഉത്തരേന്ത്യൻ സംസ്‌ഥാനങ്ങളിൽ സ്‌ഥിതി രൂക്ഷം
