ന്യൂഡെൽഹി: രാജ്യത്ത് പ്രതിദിന കോവിഡ് കേസുകളുടെ എണ്ണത്തിൽ വീണ്ടും വർധന. കഴിഞ്ഞ 24 മണിക്കൂറിനിടെ രാജ്യത്ത് 17,073 ആളുകൾക്കാണ് രാജ്യത്ത് കോവിഡ് സ്ഥിരീകരിച്ചത്. കഴിഞ്ഞ ദിവസത്തെ അപേക്ഷിച്ച് രോഗബാധിതരായ ആളുകളുടെ എണ്ണത്തിൽ വലിയ ഉയർച്ച രേഖപ്പെടുത്തിയിട്ടുണ്ട്. കൂടാതെ കഴിഞ്ഞ 24 മണിക്കൂറിനിടെ രാജ്യത്ത് 21 പേർ കോവിഡിനെ തുടർന്ന് മരിക്കുകയും ചെയ്തു.
രോഗബാധിതരുടെ എണ്ണത്തിൽ ഉയർച്ച തുടരുന്നതോടെ രാജ്യത്ത് നിലവിൽ രോഗബാധിതരായി ചികിൽസയിൽ കഴിയുന്നവരുടെ എണ്ണം 94,420 ആയി ഉയർന്നു. 15,208 ആളുകളാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് മുക്തി നേടിയത്. നിലവിൽ 98.58 ശതമാനമാണ് രാജ്യത്തെ കോവിഡ് രോഗമുക്തി നിരക്ക്.
ആരോഗ്യ മന്ത്രാലയത്തിന്റെ കണക്കുകൾ പ്രകാരം രാജ്യത്ത് ഇതുവരെ 4,34,07,046 ആളുകൾക്ക് കോവിഡ് ബാധിക്കുകയും, 5,25,020 ആളുകൾ കോവിഡിനെ തുടർന്ന് മരിക്കുകയും ചെയ്തു. 5.26 ശതമാനമാണ് രാജ്യത്തെ നിലവിലെ പ്രതിദിന കോവിഡ് പോസിറ്റിവിറ്റി നിരക്ക്.
Read also: പ്രതിഷേധവുമായി പ്രതിപക്ഷം നിയമസഭയിൽ; കറുപ്പണിഞ്ഞ് യുവ എംഎൽഎമാർ