അബുദാബി : കഴിഞ്ഞ 24 മണിക്കൂറിൽ യുഎഇയിൽ 1,964 പേർക്ക് കൂടി കോവിഡ് സ്‌ഥിരീകരിച്ചു. ഇതോടെ രാജ്യത്ത് ഇതുവരെ കോവിഡ് സ്‌ഥിരീകരിച്ച ആളുകളുടെ എണ്ണം 6,13,993 ആയി ഉയർന്നു. കൂടാതെ കഴിഞ്ഞ 24 മണിക്കൂറിൽ 6 പേരാണ് രാജ്യത്ത് കോവിഡ് ബാധിച്ചതിനെ തുടർന്ന് മരിച്ചത്.
രാജ്യത്ത് ഇതുവരെ കോവിഡിനെ തുടർന്ന് മരിച്ചവരുടെ എണ്ണം 1,763 ആണ്. കഴിഞ്ഞ 24 മണിക്കൂറിൽ കോവിഡ് ബാധിതരായ 1,923 പേർ കൂടി രോഗമുക്‌തി നേടിയതോടെ രാജ്യത്തെ ആകെ രോഗമുക്‌തരുടെ എണ്ണം 5,92,984 ആയി ഉയർന്നു. കൂടാതെ രാജ്യത്തെ വിവിധ ആശുപത്രികളിലായി നിലവിൽ 19,246 പേരാണ് ചികിൽസയിൽ കഴിയുന്നത്.
കഴിഞ്ഞ 24 മണിക്കൂറിൽ രാജ്യത്ത് 2,31,497 പരിശോധനകൾ കൂടി നടത്തിയതോടെ ആകെ കോവിഡ് പരിശോധന 55.2 ദശലക്ഷമായി ഉയർന്നു. രോഗവ്യാപനം നിലനിൽക്കുന്നതിനാൽ എല്ലാവരും സുരക്ഷാ മാനദണ്ഡം പാലിക്കുന്നതിൽ കൂടുതൽ ജാഗ്രത പാലിക്കണമെന്ന് അധികൃതർ നിർദ്ദേശം നൽകിയിട്ടുണ്ട്.
Read also : മുറിച്ചത് 106 ഈട്ടിത്തടികൾ; പ്രാഥമിക റിപ്പോർട് സമർപ്പിച്ച് വനംവകുപ്പ്
