തിരുവനന്തപുരം: വിഴിഞ്ഞം തീരത്ത് മൂന്ന് ശ്രീലങ്കൻ ബോട്ടുകൾ കോസ്‌റ്റ്ഗാർഡ് പിടിച്ചെടുത്തു. ലഹരിക്കടത്തെന്നാണ് സംശയം. ബോട്ടുകളിൽ പരിശോധന തുടരുകയാണ്.
കഴിഞ്ഞദിവസം മുതൽ വിഴിഞ്ഞം മേഖലയിൽ കോസ്‌റ്റ്ഗാർഡ് പരിശോധന ആരംഭിച്ചിരുന്നു. ഇതിനിടെയാണ് മൂന്ന് ശ്രീലങ്കൻ ബോട്ടുകൾ പിടികൂടിയത്. മൂന്ന് ബോട്ടുകളിലായി ആകെ 19 പേരുണ്ടെന്നാണ് സൂചന. അതേസമയം, പരിശോധന സംബന്ധിച്ച കൂടുതൽ വിവരങ്ങൾ കോസ്‌റ്റ്ഗാർഡ് പുറത്തുവിട്ടിട്ടില്ല. പിടിച്ചെടുത്ത ബോട്ടുകൾ വൈകുന്നേരത്തോടെ വിഴിഞ്ഞത്തേക്കോ കൊച്ചിയിലേക്കോ മാറ്റുമെന്നാണ് കരുതുന്നത്. ബോട്ടുകൾ മാറ്റിയതിന് ശേഷം കൂടുതൽ വിവരങ്ങൾ കോസ്‌റ്റ്ഗാർഡ് പുറത്തുവിടുമെന്നാണ് സൂചന.
Read also: 2021-22ൽ 150 കോടിയുടെ നിക്ഷേപം; 1000 സ്‌ക്രീനുകൾ ലക്ഷ്യമിട്ട് പിവിആർ ഗ്രൂപ്പ്
