കോഴിക്കോട്: നഗരത്തിന്റെ വിവിധ ഭാഗങ്ങളിലേക്ക് അനധികൃതമായി കടത്തുകയായിരുന്ന കുഴല് പണവുമായി മൂന്ന് യുവാക്കളെ പോലീസ് പിടികൂടി. കുന്ദമംഗലം സ്വദേശികളായ മുറിയനാല് അബാബീല് വീട്ടില് ഫവാസ് (23), പതിമംഗലം വട്ടുവാള് വീട്ടില് ഷാദില് (20), കൊട്ടക്കായ വയല് കോട്ടക്കല് വീട്ടില് മുഹമദ് അസ്ലം (21) എന്നിവരെയാണ് പിടികൂടിയത്.
ഇവരില് നിന്നും 21.02 ലക്ഷം രൂപ പോലീസ് പിടിച്ചെടുത്തു. ഇവരെ വിശദമായി ചോദ്യം ചെയ്തതില് നിന്നും നിരവധി യുവാക്കള് ഈ മേഖലയില് പ്രവൃത്തിക്കുന്നുണ്ടെന്ന് പോലീസിന് വിവരം ലഭിച്ചു.
കോഴിക്കോട് മെഡിക്കല് കോളേജ് എസിപി മുരളീധരന്റെ മേല്നോട്ടത്തിലുള്ള കോഴിക്കോട് സിറ്റി ക്രൈം സ്ക്വാഡും മെഡിക്കല് കോളേജ് ഇൻസ്പെക്ടർ ബെന്നി ലാലുവിന്റെ നേതൃത്വത്തിലുള്ള പോലീസും ചേര്ന്നാണ് ഇവരെ പിടികൂടിയത്.
Malabar News: മയ്യിലില് സിപിഐഎം-മുസ്ലിം ലീഗ് സംഘര്ഷം