ചെന്നൈ : പൊങ്കല്‍ ആഘോഷങ്ങളുടെ ഭാഗമായി തമിഴ്‌നാട്ടില്‍ നടക്കുന്ന ജെല്ലിക്കട്ടില്‍ ഇത്തവണ നാല് പേര്‍ക്ക് പരിക്കേറ്റു. മധുരയില്‍ നടന്ന ജെല്ലിക്കെട്ടിലാണ് അപകടം ഉണ്ടായത്. പരിക്കേറ്റ നാല് പേരുടെയും നില ഗുരുതരമാണ്.
മധുരയിലെ ആവണിയാപുരത്ത് നടന്ന ജെല്ലിക്കെട്ട് മല്‍സരത്തിനിടെയാണ് അപകടം ഉണ്ടായത്. സംഭവം നടന്നതിന് പിന്നാലെ പരിക്കേറ്റവരെ ആശുപത്രിയില്‍ പ്രവേശിപ്പിച്ചു. കോവിഡ് വ്യാപനത്തെ തുടര്‍ന്ന് കര്‍ശന നിയന്ത്രണങ്ങളോടെയാണ് സംസ്‌ഥാനത്ത് ഇത്തവണ ജെല്ലിക്കെട്ട് നടത്തിയത്.
അതേസമയം തന്നെ ജെല്ലിക്കെട്ട് ആഘോഷങ്ങളില്‍ പങ്കെടുക്കാനായി ഇന്ന് രാഹുല്‍ഗാന്ധി ആവണിയാപുരത്ത് എത്തും. എന്നാല്‍ രാഹുല്‍ഗാന്ധിയുടെ സന്ദര്‍ശനത്തെ വിമര്‍ശിച്ച് കൊണ്ട് ബിജെപിയും രംഗത്ത് എത്തിയിട്ടുണ്ട്. ജെല്ലിക്കെട്ടിനെ എതിര്‍ത്ത കോണ്‍ഗ്രസ് തിരഞ്ഞെടുപ്പ് അടുത്ത സാഹചര്യത്തില്‍ നാടകം കളിക്കുകയാണെന്നാണ് ബിജെപി ആരോപണം ഉന്നയിക്കുന്നത്.
Read also : പഴയങ്ങാടിയില്‍ പഴയപടിയാകാന്‍ ഒരുങ്ങി ടൂറിസം മേഖല
