യുഎഇ : കഴിഞ്ഞ 24 മണിക്കൂറിനിടെ 1,121 ആളുകള്‍ക്ക് യുഎഇയില്‍ കോവിഡ് പോസിറ്റീവ് സ്‌ഥിരീകരിച്ചു. ഇതോടെ രാജ്യത്ത് കോവിഡ് ബാധിതരാകുന്ന ആകെ ആളുകളുടെ എണ്ണം 1,32,629 ആയി ഉയര്‍ന്നിട്ടുണ്ട്. ഒപ്പം തന്നെ 5 പേരാണ് കഴിഞ്ഞ ദിവസം രാജ്യത്ത് കോവിഡ് ബാധിച്ചു മരിച്ചത്. രാജ്യത്തെ ആകെ കോവിഡ് മരണസംഖ്യ 495 ആയതായി ആരോഗ്യ മന്ത്രാലയം വ്യക്‌തമാക്കി.
കഴിഞ്ഞ 24 മണിക്കൂറിനുള്ളില്‍ രാജ്യത്ത് കോവിഡ് മുക്‌തരായ ആളുകളുടെ എണ്ണം 1,295 ആണ്. രാജ്യത്ത് കോവിഡ് ബാധിച്ച ആളുകളില്‍ 1,28,902 ആളുകള്‍ക്കും ഇപ്പോള്‍ രോഗം ഭേദമായി. ശേഷിക്കുന്ന 3,232 ആളുകള്‍ മാത്രമാണ് ഇപ്പോള്‍ യുഎഇയില്‍ ചികില്‍സയില്‍ കഴിയുന്നത്.
കോവിഡ് രോഗബാധിതര്‍ കണ്ടെത്തുന്നതിന്റെ ഭാഗമായി രാജ്യത്ത് വലിയ തോതില്‍ കോവിഡ് പരിശോധനകള്‍ നടത്തുന്നുണ്ട്. 24 മണിക്കൂറിനിടെ രാജ്യത്ത് 1,43,991 ആളുകളില്‍ പരിശോധന നടത്തിയതില്‍ നിന്നാണ് പുതിയ രോഗികളെ കണ്ടെത്തിയത്. രാജ്യത്ത് ഇതുവരെ 1.38 കോടിയോളം കോവിഡ് പരിശോധനകള്‍ നടത്തിയതായി ആരോഗ്യ മന്ത്രാലയം വ്യക്‌തമാക്കി.
Read also : കോവിഡ്; ഇംഗ്‌ളണ്ടില്‍ വീണ്ടും ലോക്ക്ഡൗണിന് സാധ്യത
