തിരുവനന്തപുരം: സംസ്ഥാനത്ത് 557 പേരെ കൂടി ഗുണ്ടാപട്ടികയിൽ ഉൾപ്പെടുത്തി. പത്തനംതിട്ട ജില്ലയിലാണ് ഏറ്റവും കൂടുതൽ. തിരുവനന്തപുരം തൊട്ടുപിന്നാലെയുണ്ട്. നിരന്തരം ക്രിമിനൽ കേസിൽ പ്രതിയാകുന്നവരാണ് പട്ടികയിൽ ഉൾപ്പെട്ടിരിക്കുന്നത്. ഗുണ്ടാവിരുദ്ധ പദ്ധതിയുടെ ഭാഗമായാണ് നടപടി.
ക്രിമിനൽ പശ്‌ചാത്തലമുള്ളവരെ കൃത്യമായി നിരീക്ഷിക്കാത്തതാണ് സംസ്ഥാനത്ത് ഗുണ്ടാ വിളയാട്ടം രൂക്ഷമാകാൻ കാരണമെന്ന് ആക്ഷേപം ഉയർന്നിരുന്നു. തുടർന്ന് ഡിസംബർ അവസാനത്തോട് കൂടി ഗുണ്ടകൾക്കെതിരായ നടപടികൾ കർശനമാക്കാൻ ഡിജിപി നിർദ്ദേശം നൽകുകയും ചെയ്‌തു. ഇതിന്റെ ഭാഗമായാണ് കഴിഞ്ഞ ആറ് മാസത്തിനിടെ തുടർച്ചയായി മൂന്നോ നാലോ ക്രിമിനൽ കേസുകളിൽ പ്രതിയായിട്ടുള്ളവരെ ഗുണ്ടാ പട്ടികയിൽ ഉൾപ്പെടുത്തിയത്.
ഇവർക്കെതിരെ കാപ്പ അടക്കമുള്ള നിയമങ്ങൾ നടപ്പാക്കാനാണ് തീരുമാനം. പത്തനംതിട്ടയിൽ 171. തിരുവനന്തപുരം റൂറലിൽ 76 ഗുണ്ടകളുമാണുളളത്. ഇവർക്കെതിരെ വരും ദിവസങ്ങളിൽ നടപടി സ്വീകരിക്കും. കരുതൽ തടങ്കലിലേക്ക് മാറ്റുന്നതടക്കം പരിഗണനയിലുണ്ടെന്ന് പോലീസ് പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
