ന്യൂഡെൽഹി: കനത്ത മഞ്ഞുവീഴ്ചയെ തുടർന്ന് അരുണാചൽ പ്രദേശിൽ 7 സൈനികരെ കാണാതായതായി ഔദ്യോഗിക വൃത്തങ്ങൾ. ഞായറാഴ്ചയോടെയാണ് പട്രോളിങ്ങിന്റെ ഭാഗമായ സൈനികരെ കാണാതായത്. കമെങ് മേഖലയിലെ ഉയര്ന്ന പ്രദേശത്താണ് ഹിമപാതമുണ്ടായതും, സൈനികരെ കാണാതായതും.
തുടർന്ന് രക്ഷാപ്രവർത്തനത്തിനായി സംഘം സംഭവ സ്ഥലത്തേക്ക് തിരിച്ചിട്ടുണ്ടെന്നും, കാണാതായവർക്കായി വ്യോമമാർഗം തിരച്ചിൽ ശക്തമാക്കിയതായും ഔദ്യോഗിക വൃത്തങ്ങൾ അറിയിച്ചു. കൂടാതെ കഴിഞ്ഞ കുറച്ചു ദിവസങ്ങളായി സംഭവ സ്ഥലത്ത് കനത്ത മഞ്ഞുവീഴ്ചയോട് കൂടിയ പ്രതികൂല കാലാവസ്ഥയാണ് അനുഭവപ്പെടുന്നതെന്ന് റിപ്പോർട് വ്യക്തമാക്കുന്നുണ്ട്.
Read also: കാസർഗോഡ് അത്യാധുനിക ഇന്റഗ്രേറ്റഡ് പബ്ളിക് ഹെല്ത്ത് ലാബ് ഒരുങ്ങുന്നു