ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിൽ കോവിഡ് ബാധിതരുടെ എണ്ണത്തിൽ ഉയർച്ച ഉണ്ടായി. 71,365 പുതിയ കോവിഡ് ബാധിതരാണ് രാജ്യത്ത് റിപ്പോർട് ചെയ്തത്. കഴിഞ്ഞ ദിവസത്തെ അപേക്ഷിച്ച് 5.6 ശതമാനത്തിന്റെ വർധനയാണ് രോഗബാധിതരുടെ എണ്ണത്തിൽ ഉണ്ടായത്. ഇതോടെ രാജ്യത്ത് ഇതുവരെ കോവിഡ് ബാധിതരായ ആകെ ആളുകളുടെ എണ്ണം 4,24,10,976 ആയി ഉയർന്നു.
അതേസമയം രാജ്യത്ത് കഴിഞ്ഞ 24 മണിക്കൂറിലും ഒന്നര ലക്ഷത്തിന് മുകളിൽ ആളുകൾ കോവിഡ് മുക്തരായിട്ടുണ്ട്. 1,72,211 പേരാണ് നിലവിൽ രാജ്യത്ത് കോവിഡ് മുക്തി നേടിയത്. ഇതോടെ ആകെ രോഗബാധിതരിൽ 4,10,12,869 പേർ രോഗമുക്തരായിട്ടുണ്ട്. കൂടാതെ രോഗമുക്തരുടെ എണ്ണം ഉയർന്ന് തുടരുന്നതിനാൽ രാജ്യത്ത് കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണത്തിലും കുറവ് രേഖപ്പെടുത്തുന്നുണ്ട്. 8,92,828 ആളുകളാണ് നിലവിൽ രാജ്യത്ത് കോവിഡ് ബാധിച്ച് ചികിൽസയിൽ കഴിയുന്നത്.
കൂടാതെ കഴിഞ്ഞ 24 മണിക്കൂറിൽ രാജ്യത്ത് 1,217 കോവിഡ് മരണം കൂടി റിപ്പോർട് ചെയ്തു. ഇതോടെ രാജ്യത്ത് നിലവിൽ കോവിഡ് ബാധയെ തുടർന്ന് മരിച്ച ആകെ ആളുകളുടെ എണ്ണം 5,05,279 ആയി ഉയർന്നു. രാജ്യത്തെ നിലവിലെ കോവിഡ് മുക്തി നിരക്ക് 96.7 ശതമാനമാണ്.
Read also: മലയിൽ കുടുങ്ങിയ യുവാവിനെ പുറത്തെത്തിച്ചു; അപൂർവ രക്ഷാദൗത്യം വിജയിപ്പിച്ച് കരസേന