ഡെൽഹി: സുപ്രീം കോടതിയുടെ പുതിയ ഒൻപത് ജഡ്‌ജിമാര്‍ ഇന്ന് സത്യപ്രതിജ്‌ഞ ചെയ്‌ത്‌ ചുമതലയേല്‍ക്കും. കോടതിയുടെ ചരിത്രത്തിലാധ്യമായി ഒരേസമയം മൂന്ന് വനിതാ ജഡ്‌ജിമാർ സത്യ വാചകം ചൊല്ലി ചുമതലയേല്‍ക്കും.
രാവിലെ 10.30ന് ചീഫ് ജസ്‌റ്റിസ് എന്‍വി രമണ സത്യവാചകം ചൊല്ലിക്കൊടുക്കും. സാധാരണ ജഡ്‌ജിമാരുടെ സത്യപ്രതിജ്‌ഞാ ചടങ്ങ് നടക്കുന്നത് ചീഫ് ജസ്‌റ്റിസിന്റെ കോടതിയിലാണ്. എന്നാല്‍ കോവിഡ് പ്രോട്ടോക്കോള്‍ നിലനില്‍ക്കുന്നതിനാല്‍ ഇത്തവണ ഓഡിറ്റോറിയത്തിലാണ് ചടങ്ങ് നടക്കുക.
ആദ്യ വനിതാ ചീഫ് ജസ്‌റ്റിസാകാന്‍ സാധ്യതയുള്ള കര്‍ണാടക ഹൈക്കോടതി ജഡ്‌ജി ബിവി നാഗരത്‌ന, തെലങ്കാന ഹൈക്കോടതി ചീഫ് ജസ്‌റ്റിസ് ഹിമ കോഹ്ലി, ഗുജറാത്ത് ഹൈക്കോടതിയിലെ ജസ്‌റ്റിസ് ബേലാ ത്രിവേദി എന്നിവരാണ് ഇന്ന് ചുമതലയേൽക്കുന്ന വനിതാ ജഡ്‌ജിമാര്‍. കേരള ഹൈക്കോടതിയിലെ രണ്ടാമത്തെ മുതിര്‍ന്ന ജഡ്‌ജി സിടി രവികുമാറും ഇന്ന് ചുമതലയേൽക്കുന്ന ജഡ്‌ജിമാരിൽ ഉൾപ്പെടുന്നു.
Kerala News: ഡിസിസി പുനഃസംഘടന; നിലപാട് കടുപ്പിച്ച് ഹൈക്കമാൻഡ്
