കോഴിക്കോട്: മിഠായിത്തെരുവിൽ വൻ തീപിടുത്തം. പാളയം മൊയ്തീൻ പള്ളിക്ക് സമീപത്താണ് തീപിടുത്തം ഉണ്ടായത്. ഇവിടെയുള്ള വികെഎം കെട്ടിടത്തിലെ ചെരുപ്പ് കടയിൽ നിന്നാണ് തീ പടർന്നത്. സംഭവസ്ഥലത്ത് അഞ്ച് ഫയർ എഞ്ചിനുകൾ എത്തിയിട്ടുണ്ട്. അതേസമയം, തീ ഏകദേശം നിയന്ത്രണ വിധേയമായതായി കച്ചവടക്കാർ അറിയിച്ചു.
ചെരുപ്പ് കടയിൽ നിന്ന് സമീപ കടകളിലേക്ക് തീ പടരാനുള്ള സാധ്യത ഉണ്ട്. ഇത് തടയാനുള്ള ശ്രമത്തിലാണ് അഗ്നിരക്ഷാ സേന. അതേസമയം, തീപിടുത്തം ഉണ്ടായ കടയിൽ ആളുകൾ കുറവായതിനാൽ വൻ ദുരന്തം ഒഴിവായി. സംഭവം നടക്കുമ്പോൾ ചെരുപ്പ് കടയുടെ സമീപത്തെ കടയിൽ ഒരു സ്ത്രീ മാത്രമാണ് ഉണ്ടായിരുന്നത്. ഇവരെ അഗ്നിരക്ഷാ സേന പുറത്തെത്തിച്ചു.
Read Also: സംഘർഷം; അട്ടപ്പാടിയിൽ പഞ്ചായത്ത് അംഗത്തിന് പരിക്ക്
