ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിൽ 15,981 പേർക്ക് കൂടി കോവിഡ് സ്ഥിരീകരിച്ചു. കഴിഞ്ഞ ദിവസത്തേക്കാൾ 5.7 ശതമാനം കുറവാണ് കഴിഞ്ഞ 24 മണിക്കൂറിൽ കോവിഡ് സ്ഥിരീകരിച്ചവരുടെ എണ്ണത്തിൽ ഉണ്ടായത്. 17,861 പേരാണ് കഴിഞ്ഞ 24 മണിക്കൂറിൽ രാജ്യത്ത് രോഗമുക്തരായത്. കൂടാതെ 166 പേർ കോവിഡ് ബാധിച്ച് രാജ്യത്തിന്റെ വിവിധ ഭാഗങ്ങളിലായി മരിക്കുകയും ചെയ്തു.
നിലവിൽ രാജ്യത്ത് ഇതുവരെ കോവിഡ് സ്ഥിരീകരിച്ച ആകെ ആളുകളുടെ എണ്ണം 3,40,53,573 ആണ്. ഇവരിൽ 3,33,99,961 ആളുകൾ ഇതുവരെ രോഗമുക്തരായി. കഴിഞ്ഞ 24 മണിക്കൂറിൽ രാജ്യത്ത് കോവിഡിനെ തുടർന്ന് മരിച്ച ആളുകൾ കൂടിയാകുമ്പോൾ ആകെ കോവിഡ് മരണസംഖ്യ 4,51,980 ആയി ഉയർന്നു.
രാജ്യത്ത് നിലവിൽ കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം 2,01,632 ആണ്. കൂടാതെ രാജ്യത്തെ നിലവിലെ കോവിഡ് മുക്തിനിരക്ക് 98.08 ശതമാനം ആയും ഉയർന്നു. 1.73 ശതമാനമാണ് രാജ്യത്തെ നിലവിലെ കോവിഡ് ടെസ്റ്റ് പോസിറ്റിവിറ്റി നിരക്ക്.
Read also: തിരുവനന്തപുരം കോർപറേഷനിലെ നികുതി വെട്ടിപ്പ്; ഒരാൾ കൂടി അറസ്റ്റിൽ