വാർത്താ സമ്മേളനത്തിൽ; ദുല്ഫുഖാര് അലി സഖാഫി, ഖാലിദ് സഖാഫി, ബദ്റുദ്ദീന് കോഡൂര്, അക്ബര് പുല്ലാണിക്കോട്
മലപ്പുറം: യുവാക്കളിൽ കാർഷിക സംസ്കാരം വളർത്തുക, അദ്ധ്വാന ശീലം പ്രോൽസാഹിപ്പിക്കുക, തരിശ് ഭൂമികൾ കാർഷിക യോഗ്യമാക്കുക, വിഷരഹിത പച്ചക്കറികൾ ഉൽപാദിപ്പിക്കുക തുടങ്ങിയവ ലക്ഷ്യമിട്ട് എസ്വൈഎസ് നടപ്പിലാക്കുന്ന ‘ഹരിതമുറ്റം’ പദ്ധതിയുടെ ഭാഗമായ ‘കാർഷിക ചന്ത’ വ്യാഴാഴ്ച മലപ്പുറം കുന്നുമ്മല് ടൗണ് ഹാളിന് സമീപം നടക്കും.
സംഘടനയുടെ മലപ്പുറം സോണ് കമ്മിറ്റിക്ക് കീഴിലാണ് ചന്ത സംഘടിപ്പിക്കുന്നത്. ‘പച്ചമണ്ണിന്റെ ഗന്ധമറിയുക പച്ചമനുഷ്യന്റെ രാഷ്ട്രീയം പറയുക’ എന്ന പ്രമേയത്തിൽ എസ്വൈഎസ് സംസ്ഥാന കമ്മിറ്റി ആവിഷ്കരിച്ച ഹരിതമുറ്റം ക്യാംപയിനിന്റെ ഭാഗമായി നടത്തിയ സംഘകൃഷിയിൽ നിന്നുള്ള വിളവുകളാണ് പ്രധാനമായും ചന്തയിൽ വിൽപനക്ക് വരുന്നത്; പത്രകുറിപ്പിൽ സംഘാടകർ പറഞ്ഞു.
പൂക്കോട്ടൂര്, മേല്മുറി, മലപ്പുറം, കോഡൂര് ഈസ്റ്റ്, കോഡൂര് വെസ്റ്റ്, കുറുവ, കൂട്ടിലങ്ങാടി, മക്കരപ്പറമ്പ് തുടങ്ങിയ എസ്വൈഎസ് സര്ക്കിള് കേന്ദ്രങ്ങളില് പ്രവര്ത്തകര് വിവിധ കാര്ഷിക ഇനങ്ങളാണ് സ്വന്തമായും സംഘമായും കൃഷിചെയ്ത് ഉണ്ടാക്കിയത്. ഇതിന് പുറമെ വീടുകളില് അടുക്കളത്തോട്ടങ്ങളും നിര്മിച്ചിരുന്നു. ഇങ്ങിനെ ലഭിച്ച വിളവുകളാണ് ചന്തയുടെ മുഖ്യ ആകർഷണം. പച്ചകറികൾ കൂടാതെ, മൽസ്യം, മണ് പാത്രങ്ങള്, സ്കൂളിലേക്ക് ആവശ്യമായ വസ്തുക്കൾ, പുസ്തകങ്ങൾ തുടങ്ങിയവയും ഉണ്ടാകും.
രാവിലെ 9മുതല് വൈകുന്നേരം 5വരെ ചന്ത നടക്കും. രാവിലെ പത്തിന് എസ്വൈഎസ് സംസ്ഥാന സെക്രട്ടറി എന്എം സ്വാദിഖ് സഖാഫി ഉൽഘാടനം നിര്വഹിക്കും. സമസ്ത ജില്ലാ സെക്രട്ടറി ഇബ്റാഹിം ബാഖവി മേല്മുറി അധ്യക്ഷത വഹിക്കും. ജില്ലാ കാര്ഷിക ഗവേഷണ കേന്ദ്ര മേധാവി ഡോ. പി മുസ്തഫ മുഖ്യാതിഥിയാകും.
കേരള മുസ്ലിം ജമാഅത്ത് ജില്ലാ ജനറല് സെക്രട്ടറി മുസ്തഫ കോഡൂര്, എസ്വൈഎസ് ജില്ലാ ഫിനാന്സ് സെക്രട്ടറി അബ്ദുറഹീം കരുവള്ളി, സെക്രട്ടറി പിപി മുജീബുറഹ്മാൻ, എസ്എസ്എഫ് ജില്ലാ സെക്രട്ടറി അബ്ദുന്നാസര് കോഡൂര്, എസ്വൈഎസ് മലപ്പുറം സോണ് പ്രസിഡണ്ട് ദുല്ഫുഖാര് അലി സഖാഫി, ജനറല് സെക്രട്ടറി സിദ്ദീഖ് മുസ്ലിയാർ മക്കരപ്പറമ്പ് എന്നിവര് പ്രസംഗിക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
