തിരുവനന്തപുരം: സംസ്ഥാനത്ത് നാളെയും മറ്റന്നാളും കനത്ത മഴക്ക് സാധ്യതയുണ്ടെന്ന് വ്യക്തമാക്കി കാലാവസ്ഥാ നിരീക്ഷണ കേന്ദ്രം. ഇതേ തുടർന്ന് സംസ്ഥാനത്തെ 6 ജില്ലകളിൽ ഓറഞ്ച് അലർട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി എന്നീ ജില്ലകളിലാണ് നാളെയും മറ്റന്നാളും ഓറഞ്ച് അലർട് പ്രഖ്യാപിച്ചത്.
ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദമാണ് നിലവിൽ തെക്കേ ഇന്ത്യൻ തീരത്ത് മഴ ശക്തമായി തുടരാൻ കാരണം. ശ്രീലങ്കയ്ക്ക് മുകളിലും, തമിഴ്നാട് തീരത്തുമായാണ് ഇപ്പോൾ ന്യൂനമർദ്ദം സ്ഥിതി ചെയ്യുന്നത്. ഇത് അടുത്ത രണ്ട് ദിവസത്തേക്ക് കാര്യമായി നീങ്ങാൻ സാധ്യതയില്ലെന്നാണ് വിലയിരുത്തുന്നത്.
മഴ ശക്തമാകുന്ന സാഹചര്യത്തിൽ മൽസ്യ തൊഴിലാളികൾ കടലിൽ പോകുന്നതിന് നിലവിൽ വിലക്ക് ഏർപ്പെടുത്തിയിട്ടുണ്ട്. ബുധനാഴ്ച വരെയാണ് മൽസ്യ തൊഴിലാളികൾ കടലിൽ പോകരുതെന്ന് അധികൃതർ മുന്നറിയിപ്പ് നൽകിയിരിക്കുന്നത്.
Read also: ജോജുവിന്റെ വികാരത്തെ പരിപൂര്ണമായി ബഹുമാനിക്കുന്നു; ഹൈബി ഈഡന്
