തിരുവനന്തപുരം: സംസ്ഥാനത്ത് പണിമുടക്കിൽ പങ്കെടുക്കാത്ത ജീവനക്കാരെ ഉപയോഗിച്ച് ഇന്ന് പരമാവധി സർവീസുകൾ നടത്താൻ കെഎസ്ആർടിസിക്ക് നിർദ്ദേശം നൽകി. ഒരു വിഭാഗം ജീവനക്കാരാണ് ഇന്ന് പണിമുടക്കുന്നത്. ഈ സാഹചര്യത്തിലാണ് സമരത്തിൽ പങ്കെടുക്കാത്ത ജീവനക്കാരെ ഉപയോഗിച്ച് പരമാവധി സർവീസുകൾ നടത്താൻ സിഎംഡി നിർദ്ദേശിച്ചത്.
സമരത്തിൽ പങ്കെടുക്കാതെ ഹാജരാകുന്ന ജീവനക്കാരെ ഉപയോഗിച്ച് സർവീസുകൾ അയക്കണമെന്നും അതിനായി ജീവനക്കാരെ മുൻകൂട്ടി നിയോഗിക്കണം എന്നുമായിരുന്നു നിർദ്ദേശം. ഹാജരാകുന്ന ജീവനക്കാർക്ക് ഡബിൾ ഡ്യൂട്ടി ഉൾപ്പടെ നൽകി പരമാവധി സർവീസുകൾ ഓടിക്കാനാണ് അധികൃതരുടെ തീരുമാനം.
വാരാന്ത്യമായതിനാൽ തന്നെ വിവിധ സ്ഥലങ്ങളിൽ നിന്നും നിരവധി ആളുകൾക്ക് തിരികെ വീട്ടിൽ എത്തേണ്ടതുണ്ട്. അതിനാൽ യാത്രക്കാർക്ക് ബുദ്ധിമുട്ട് ഉണ്ടാകുന്നത് ഒഴിവാക്കുന്നതിനായി പരമാവധി ട്രിപ്പുകൾ ഓടിക്കണം. അതേസമയം ആവശ്യ റൂട്ടുകൾക്ക് പ്രാധാന്യം നൽകി ദീർഘദൂര സർവീസുകൾ, ഒറ്റപ്പെട്ട സർവീസുകൾ, പ്രധാന റൂട്ടുകളിലെ സർവീസുകൾ എന്നിങ്ങനെ അയക്കുന്നതിനും, റിസർവേഷൻ നൽകിയിട്ടുള്ള സർവീസുകൾ നടത്തുകയും ചെയ്യാനാണ് നിലവിലെ തീരുമാനം.
Read also: ആലത്തൂരിലെ വിദ്യാർഥികളുടെ തിരോധാനം; അന്വേഷണം ഊർജിതമാക്കി
