അഗർത്തല: ത്രിപുരയിലെ വർഗീയ കലാപത്തിൽ ട്വിറ്റർ അക്കൗണ്ട് ഉടമകൾക്ക് എതിരെ നടപടിയുമായി പോലീസ്. 68 ട്വിറ്റർ ഹാൻഡിലുകൾ നീക്കം ചെയ്യാൻ കമ്പനിയോട് ത്രിപുര പോലീസ് ആവശ്യപ്പെട്ടു. കാലിഫോർണിയയിലെ ട്വിറ്റർ പരാതി പരിഹാര വിഭാഗം മേധാവിക്കാണ് പോലീസ് നോട്ടീസ് അയച്ചത്. വർഗീയ പ്രചരണം നടത്തുന്ന ട്വീറ്റുകൾ നീക്കം ചെയ്യണമെന്നും നോട്ടീസിൽ ആവശ്യപ്പെട്ടിട്ടുണ്ട്.
ത്രിപുരയിൽ മുസ്‌ലിം മതവിഭാഗത്തിന്റെ ആരാധനാലയങ്ങൾ പൊളിച്ചതുമായി ബന്ധപ്പെട്ട സന്ദേശങ്ങൾ പ്രചരിപ്പിച്ച ട്വിറ്റർ ഹാൻഡിലുകൾക്ക് എതിരെയാണ് നടപടി. ഈ ട്വിറ്റർ അക്കൗണ്ട് ഉടമകൾക്കെതിരെ രാജ്യദ്രോഹ കുറ്റം ചുമത്തി പോലീസ് കേസ് എടുത്തിട്ടുണ്ട്. സാമൂഹ്യ സ്‌പർദ്ധ വളർത്തൽ, ക്രമസമാധാന അന്തരീക്ഷം തകർക്കൽ തുടങ്ങി യുഎപിഎയിലെ വിവിധ വകുപ്പുകൾ പ്രകാരമാണ് കേസ് എടുത്തിരിക്കുന്നത്.
Read Also: അധ്യാപകനെ പുറത്താക്കണം; സമരം തുടരുമെന്ന് എംജി സർവകലാശാല ഗവേഷക
