ചർമ സംരക്ഷണത്തിനും കേശ സംരക്ഷണത്തിനുമൊക്കെ നാം ഒരുപോലെ ആശ്രയിക്കുന്ന ഒന്നാണ് കറ്റാർവാഴ. എന്നാൽ കറ്റാർവാഴയുടെ ഉപയോഗം ചിലരിൽ അസ്വസ്ഥതക്കും ചൊറിച്ചിലിനും കാരണമാകുന്നുണ്ട്. ഒന്നു ശ്രദ്ധിച്ചാൽ ഈ പ്രശ്നം ഒഴിവാക്കാവുന്നതാണ്.
കറ്റാർ വാഴയില മുറിച്ചെടുക്കുമ്പോൾ പുറത്തു വരുന്ന മഞ്ഞ നിറത്തിലുള്ള നീരാണ് ചൊറിച്ചിലിന് കാരണം. ഒരു താരം ലാറ്റെക്സ് ആണിത്. ഇതു കറ്റാർ വാഴ നീരിൽ കൂടിക്കലരുകയും ഉപയോഗിക്കുമ്പോൾ ചൊറിച്ചിലിന് കാരണമാകുകയും ചെയ്യുന്നു. ഇത് ഒഴിവാക്കാൻ എന്തുചെയ്യണമെന്ന് നോക്കാം.
ചെടിയിൽനിന്ന് കറ്റാർ വാഴയില വേർപ്പെടുത്താനായി മുറിക്കുന്ന ഭാഗം താഴേക്ക് വരുന്ന രീതിയിൽ 10– 15 മിനിറ്റ് സൂക്ഷിക്കാം. കൂടാതെ കറ്റാർ വാഴയില ചെറിയ കഷ്ണങ്ങളാക്കിയ ശേഷവും നന്നായി കഴുകാം. മുറിക്കുന്ന ഓരോ ഭാഗത്തും ലാറ്റെക്സിന്റെ സാന്നിധ്യം ഉണ്ടാകും.
കറ്റാർവാഴയിൽ നിന്നും ഉപയോഗപ്രദമായ ഭാഗം എടുത്തശേഷവും കഴുകാം. ഇതെല്ലാം ലാറ്റെക്സ് പരമാവധി നീക്കം ചെയ്യാൻ സഹായിക്കും. ഇങ്ങനെ കഴുകിയ ശേഷവും സെൻസിറ്റീവ് ചർമം ഉള്ള ചിലരിൽ അസ്വസ്ഥത അനുഭവപ്പെടാനുള്ള സാധ്യത ഉണ്ട്. അത്തരം സാഹചര്യത്തിൽ കറ്റാർ വാഴയുടെ ഉപയോഗം വേണ്ടെന്നു വെക്കുന്നത് തന്നെയാണ് അഭികാമ്യം.
Most Read: ആഷിഖ് അബു ചിത്രത്തിൽ നായകനാകാൻ കിംഗ് ഖാൻ
