കോലാലംപൂർ: ഏഷ്യൻ ഫുട്ബോൾ ചാമ്പ്യൻസ് ലീഗിൽ ചരിത്ര ജയവുമായി മുംബൈ സിറ്റി എഫ്സി. ഗ്രൂപ്പ് ബിയിലെ രണ്ടാം മൽസരത്തിൽ ഇറാഖ് ക്ളബായ എയർ ഫോഴ്സിനെ ഒന്നിനെതിരെ രണ്ട് ഗോളുകൾക്കാണ് മുംബൈ പരാജയപ്പെടുത്തിയത്. ഒരു ഗോളിനു പിന്നിൽ നിന്ന ശേഷം തിരിച്ചടിച്ചാണ് മുബൈ വിജയിച്ചത്. എഎഫ്സി ചാമ്പ്യൻസ് ലീഗിൽ ഒരു ഇന്ത്യൻ ടീം നേടുന്ന ആദ്യ ജയമാണിത്.
മൽസരത്തിലെ ആധിപത്യം ഇറാഖ് ക്ളബിനു തന്നെ ആയിരുന്നു. എന്നാൽ, ആദ്യ പകുതിയിൽ ഗോളുകൾ നേടാൻ അവർക്ക് സാധിച്ചില്ല. മുംബൈ സിറ്റിയുടെ പഴുതടച്ച പ്രതിരോധവും എയർ ഫോഴ്സിനെ തടഞ്ഞുനിർത്തി. എന്നാൽ, രണ്ടാം പകുതിയിൽ എയർ ഫോഴ്സ് മുംബൈ സിറ്റി പ്രതിരോധം തകർത്തു. 59ആം മിനിട്ടിൽ ഹമദി അഹ്മദാണ് എയർ ഫോഴ്സിനായി ഗോൾ നേടിയത്.
ഒരു ഗോൾ വീണതോടെ തിരിച്ചടിക്കാൻ കിണഞ്ഞുശ്രമിച്ച മുംബൈ 70ആം മിനിട്ടിൽ ഒപ്പമെത്തി. ഒരു പെനൽറ്റിയിലൂടെ ഡിയേഗോ മൗറീഷ്യോയാണ് സമനില ഗോൾ നേടിയത്. 5 മിനിറ്റുകൾക്ക് ശേഷം കളിയിൽ ആദ്യമായി മുംബൈ ലീഡെടുത്തു. അഹ്മദ് ജാഹു എടുത്ത ക്രോസിൽ തലവച്ച് രാഹുൽ ഭെക്കെയാണ് ഇന്ത്യൻ ഫുട്ബോൾ ചരിത്രത്തിലെ തന്നെ നിർണായകമായ ഗോൾ നേടിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
