കണ്ണൂർ: ജില്ലയിൽ വീട്ടമ്മയെയും മകളെയും കത്തി കാട്ടി ഭീഷണിപ്പെടുത്തി പണവും സ്വർണവും കവർന്നു. ഇന്ന് പുലർച്ചയോടെയാണ് മോഷണം നടന്നത്. 1.80 ലക്ഷം രൂപയും ഒരു പവന്റെ സ്വര്ണവളയും മാലയും കമ്മലും മോഷ്ടാക്കൾ കവർന്നു. കണ്ണൂര് പുറത്തേക്കണ്ടി സ്വദേശി സൗദത്തിന്റെ വീട്ടിലാണ് സംഭവം.
മുഖംമൂടി ധരിച്ചെത്തിയ രണ്ട് പേരാണ് മോഷണം നടത്തിയതെന്ന് വീട്ടമ്മ വ്യക്തമാക്കി. വീടിന്റെ മുകൾ നിലയിലുള്ള വാതിൽ വഴിയാണ് ഇവർ അകത്തു കടന്നത്. തുടര്ന്ന് സൗദത്തിന്റെ കഴുത്തില് കത്തിവെച്ച് ഭീഷണിപ്പെടുത്തുകയായിരുന്നു. പണവും സ്വര്ണവും സൂക്ഷിച്ചിരിക്കുന്ന ഷെല്ഫിന്റെ താക്കോല് കാണിച്ചു നല്കണമെന്നുമായിരുന്നു ഇവരുടെ ഭീഷണി.
മകളെയും കാത്തി കാട്ടി ഭീഷണിപ്പെടുത്തിയതോടെ വീട്ടമ്മ പ്രാണരക്ഷാര്ഥം ഷെല്ഫിന്റെ താക്കോല് കാണിച്ച് നല്കുകയായിരുന്നു. തുടർന്ന് മോഷ്ടാക്കൾ സ്വര്ണവും പണവും കവരുകയായിരുന്നു.
Read also: കോഴിക്കോട് കോർപറേഷനിലെ കെട്ടിട നമ്പർ ക്രമക്കേട്; ഏഴ് പേർ അറസ്റ്റിൽ