കോഴിക്കോട്: ഭിന്നശേഷിക്കാരോട് സംസാരിക്കാന് ആംഗ്യഭാഷ പരിശീലിച്ച് കോഴിക്കോട് സിറ്റി പൊലീസ്. സംസ്ഥാനത്ത് ആദ്യമായാണ് പോലീസുകാര്ക്ക് ആംഗ്യഭാഷാ പരിശീലനം നല്കുന്നത്. ആദ്യഘട്ടത്തിൽ കുറച്ച് പോലീസുകാർക്കാണ് പരിശീലനം നൽകുന്നത്. വരും ദിവസങ്ങളിൽ മുഴുവൻ പോലീസുകാർക്കും ആംഗ്യഭാഷയിൽ പരിശീലനം നൽകും. ഓൺലൈൻ ക്ളാസുകളും ഒരുക്കും.
സംസാരിക്കാൻ കഴിയാത്തവർ പോലീസ് സ്റ്റേഷനിലെത്തുമ്പോൾ നേരിടുന്ന ബുദ്ധിമുട്ടിന് പരിഹാരം കാണുകയാണ് ഇതുവഴി. അവരുടെ കാര്യങ്ങൾ അവരുടെ തന്നെ ഭാഷയിൽ മനസിലാക്കാനുള്ള ശ്രമം. അതിനായി സിറ്റിയിലെ എല്ലാ സ്റ്റേഷനുകളിലെയും പോലീസുകാർക്ക് പരിശീലനം നൽകുകയാണ്. കോംപോസിറ്റ് റീജിയണൽ സെന്ററുമായി ചേർന്നാണ് പദ്ധതി. ഭിന്നശേഷിക്കാർക്ക് പദ്ധതി ഏറെ പ്രയോജനപ്പെടുമെന്ന് ഈ മേഖലയിൽ പ്രവർത്തിക്കുന്നവർ പറയുന്നു.
Most Read: ‘എവിടെയോ കണ്ട് നല്ല പരിചയം’; സോഷ്യൽ മീഡിയയെ ഞെട്ടിച്ച് കോടീശ്വരൻ ലുക്കുള്ള വയസൻ നായ
