ചെന്നൈ: മലയാളി റെയിൽവേ ഉദ്യോഗസ്ഥയെ ട്രാക്കിൽ തെറിച്ച് വീണ് മരിച്ച നിലയിൽ കണ്ടെത്തി. ട്രെയിനിലെ ഗാർഡ് ഡ്യൂട്ടിയിൽ ഉണ്ടായിരുന്ന പാലക്കാട് കൊടുന്തിരപ്പുള്ളി പാണപ്പറമ്പ് അഷ്‌ടപദിയിൽ ബി മിനിമോളെയാണ് (38) ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. ഇന്ന് രാവിലെ 11 മണിയോടെ ആയിരുന്നു സംഭവം.
ഗുവാഹത്തി- ബെംഗളൂരു സൂപ്പർ ഫാസ്‌റ്റ്‌ എക്‌സ്‌പ്രസിലെ എസ്‌എൽആർ കോച്ചിൽ ഡ്യൂട്ടിയിൽ ആയിരുന്നു മിനിമോൾ. രണ്ട് സ്‌റ്റേഷനുകളിൽ ഗാർഡിന്റെ സിഗ്‌നൽ ലഭിക്കാത്തതിനെ തുടർന്ന് ലോക്കോ പൈലറ്റ് പച്ചക്കുപ്പം സ്‌റ്റേഷനിൽ ട്രെയിൻ നിർത്തിയ ശേഷം റെയിൽവേ അധികൃതരെ വിവരം അറിയിക്കുകയായിരുന്നു.
ഇതിനിടെ റെയിൽവേ കീമാൻ ഗൗതം കുമാറാണ് മിനിമോളെ ട്രാക്കിൽ വീണ് മരിച്ച നിലയിൽ കണ്ടെത്തിയത്. ആശുപത്രിയിൽ എത്തിച്ചെങ്കിലും മരണം സ്‌ഥിരീകരിച്ചിരുന്നു.
Most Read: അസാദി കാ അമൃത് മഹോൽസവം; എസ്‌വൈഎസ്‌ തീര്‍ത്ത ഇന്ത്യയുടെ ‘ഭൂപട വലയം’ ശ്രദ്ധേയം
