ന്യൂഡെൽഹി: യുപിയിൽ പോലീസുമായുള്ള ഏറ്റുമുട്ടലിൽ മൂന്ന് ഖലിസ്ഥാൻ തീവ്രവാദികൾ കൊല്ലപ്പെട്ടു. യുപിയിലെ പിലിബിത്തിൽ നടന്ന ഏറ്റുമുട്ടലിലാണ് തീവ്രവാദികൾ കൊല്ലപ്പെട്ടത്. യുപി, പഞ്ചാബ് പോലീസ് സംയുക്തമായാണ് ഓപ്പറേഷൻ നടത്തിയത്.
ഗുർവീന്ദർ സിങ് (25), വീരേന്ദർ സിങ് (23), ജാസൻപ്രീത് സിങ് (18) എന്നിവരാണ് കൊല്ലപ്പെട്ടത്. ഖലിസ്ഥാനി കമാൻഡോ ഫോഴ്സ് എന്ന നിരോധിത സംഘടനയിലെ അംഗങ്ങളാണിവർ. പഞ്ചാബ് പോലീസിനെ ആക്രമിച്ച കേസിൽ ഇവർ പ്രതികളാണ്. എയ്ഡ് പോസ്റ്റിൽ ആക്രമണം നടത്തിയ തീവ്രവാദികൾ ഒളിച്ചിരിക്കുന്നതായി പഞ്ചാബ് പോലീസാണ് യുപിയിലെ പുരൻപുർ പോലീസ് സ്റ്റേഷൻ അധികൃതരെ അറിയിച്ചത്.
തിരച്ചിലിനിടെ ഭീകരർ ബൈക്കിൽ രക്ഷപ്പെടാൻ ശ്രമിച്ചു. പിന്തുടർന്ന പോലീസിന് നേരെ ഭീകരർ വെടിവെക്കുകയായിരുന്നു. രണ്ട് പോലീസുകാർക്ക് പരിക്കേറ്റു. ഭീകരരുടെ പക്കൽ നിന്ന് എകെ 47 അടക്കമുള്ള ആയുധങ്ങളും പോലീസ് കണ്ടെടുത്തു.
Most Read| ഐഇഎസ് പരീക്ഷയിൽ യോഗ്യത നേടിയവരിൽ മലയാളി തിളക്കം; അഭിമാനമായി അൽ ജമീല
