തൃശൂർ: മണ്ണൂത്തി ബൈപ്പാസ് ജങ്ഷന് സമീപം വൻ കവർച്ച. കാറിലെത്തിയ സംഘം ചായക്കടയിൽ ഇരിക്കുകയിരുന്ന ആളിൽ നിന്ന് 75 ലക്ഷം രൂപ തട്ടിയെടുത്തു. എടപ്പാൾ സ്വദേശി മുബാറക്കിന്റെ പണമടങ്ങിയ ബാഗാണ് കവർന്നത്. ഇന്ന് പുലർച്ചെ 4.30നാണ് സംഭവം.
ബെംഗളൂരുവിൽ നിന്നുള്ള സ്വകാര്യ ബസിലാണ് മുബാറക്ക് മണ്ണൂത്തിയിലെത്തിയത്. ബസിറങ്ങിയ ശേഷം മുബാറക്ക് സമീപത്തെ ചായക്കടയിലേക്ക് കയറി. ഈ സമയം കാറിലെത്തിയ അഞ്ചംഗ സംഘം മുബാറക്കുമായി പിടിവലി നടത്തുകയും പണമടങ്ങിയ ബാഗുമായി കടന്നുകളയുകയും ആയിരുന്നു.
കാർ വിറ്റുകിട്ടിയ പണമാണ് ബാഗിൽ ഉണ്ടായിരുന്നതെന്ന് മുബാറക്ക് പറഞ്ഞു. പണം തട്ടിയെടുത്തവർ എത്തിയ കാറിന്റെ മുൻഭാഗത്തും പിൻഭാഗത്തും രേഖപ്പെടുത്തിയിരിക്കുന്ന നമ്പറുകൾ വ്യത്യസ്തമാണെന്നും മുബാറക്ക് മൊഴി നൽകിയിട്ടുണ്ട്. സംഭവത്തിൽ ഒല്ലൂർ എസിപിയുടെ നേതൃത്വത്തിൽ അന്വേഷണം ആരംഭിച്ചിട്ടുണ്ട്.
Most Read| ഇവൻ ‘ചില്ലറ’ക്കാരനല്ല, കോടികളുടെ മുതൽ; ലോകത്തെ ഏറ്റവും വിലപിടിപ്പുള്ള തക്കാളി
