കോട്ടയം: നിയന്ത്രണംവിട്ട കാർ വൈക്കം തോട്ടുവക്കും തോട്ടിലേക്ക് മറിഞ്ഞ് ഒരാൾ മരിച്ചു. ഒറ്റപ്പാലം സ്വദേശിയായ ഡോക്ടർ അമൽ സൂരജാണ് (33) മരിച്ചത്. കൊട്ടാരക്കര സ്വകാര്യ ആശുപത്രിയിലെ ഡോക്ടറാണ്. ഇന്ന് രാവിലെ നാട്ടുകാർ കാർ തോട്ടിൽ കിടക്കുന്നത് കണ്ടാണ് അപകടവിവരം അറിയുന്നത്.
വേമ്പനാട്ട് കായലുമായി ബന്ധിപ്പിക്കുന്ന കെവി കനാലിലാണ് അപകടം നടന്നത്. മൃതദേഹം വൈക്കം താലൂക്ക് ആശുപത്രിയിലേക്ക് മാറ്റി. എറണാകുളത്തുള്ള സുഹൃത്തിനെ കാണാൻ പോവുകയായിരുന്നു അമൽ. നിയന്ത്രണം വിട്ട കാർ തോട്ടിലേക്ക് വീഴുകയായിരുന്നു എന്നാണ് വിവരം. അമൽ ഉറങ്ങിപോയതാകാമെന്നും സ്ഥിരീകരിക്കാത്ത റിപ്പോർട്ടുകളുണ്ട്.
Most Read| ഇവൻ ‘ചില്ലറ’ക്കാരനല്ല, കോടികളുടെ മുതൽ; ലോകത്തെ ഏറ്റവും വിലപിടിപ്പുള്ള തക്കാളി
