യുവതിയുടെ പരാതി; ഇഎൻ സുരേഷ് ബാബു പുറത്തേക്ക്, പാർട്ടി നടപടി ഉടൻ
സംഘടനാ പരിപാടിക്ക് എത്തിയപ്പോൾ പാർട്ടി ഓഫീസിൽ വെച്ച് സുരേഷ് ബാബുവിന്റെ ഭാഗത്തുനിന്ന് മോശം പെരുമാറ്റം ഉണ്ടായെന്ന അഭിഭാഷകയുടെ പരാതിയുടെ അടിസ്‌ഥാനത്തിൽ, ഇഎൻ സുരേഷ് ബാബുവിനെ കഴിഞ്ഞദിവസം സിപിഎം പാലക്കാട് ജില്ലാ സെക്രട്ടറി സ്‌ഥാനത്ത്‌ നിന്ന് നീക്കിയിരുന്നു.
ഇഎൻ സുരേഷ് ബാബു / Image Courtesy: EN Sureshbabu FB Page / Cropped by Team MN
പാലക്കാട്: ജില്ലാ സെക്രട്ടറി സ്‌ഥാനത്ത്‌ നിന്ന് നീക്കിയ ഇഎൻ സുരേഷ് ബാബുവിനെതിരെ കൂടുതൽ അച്ചടക്ക നടപടികളെടുക്കാൻ സിപിഎം. സുരേഷ് ബാബുവിനെ പ്രാഥമിക അംഗത്വത്തിൽ നിന്ന് പുറത്താക്കുന്നതടക്കം നേതൃത്വം പരിഗണിക്കും. വിപുലീകൃത ജില്ലാ കമ്മറ്റികൾക്ക് ശേഷം വരുന്ന സംസ്‌ഥാന സെക്രട്ടറിയേറ്റ് യോഗത്തിലായിരിക്കും തീരുമാനമെടുക്കുക.
ഡിജിറ്റൽ തെളിവുകൾ സഹിതം അഭിഭാഷക നൽകിയ പരാതിയിൽ സുരേഷ് ബാബുവിനെതിരെ ഗുരുതരമായ ആരോപണങ്ങൾ ഉള്ളതായി പാർട്ടി വിലയിരുത്തുന്നു. സംസ്‌ഥാന നേതൃത്വത്തിന് പരാതി നൽകിയതിന് പുറമെ സംസ്‌ഥാന സെക്രട്ടറി എംവി ഗോവിന്ദനെ നേരിൽക്കണ്ടും യുവതി പരാതി നൽകിയിട്ടുണ്ട്. പാർട്ടി നടപടി എടുത്തില്ലെങ്കിൽ പരാതിയുമായി മുന്നോട്ടുപോകുമെന്നും യുവതി നേതൃത്വത്തെ അറിയിച്ചിട്ടുണ്ട്.
സംഘടനാ പരിപാടിക്ക് എത്തിയപ്പോൾ പാർട്ടി ഓഫീസിൽ വെച്ച് സുരേഷ് ബാബുവിന്റെ ഭാഗത്തുനിന്ന് മോശം പെരുമാറ്റം ഉണ്ടായെന്നാണ് യുവതിയുടെ പരാതി. ഒരുവർഷമായി ഫോണിലും ശല്യപ്പെടുത്തിയതായും യുവതി പരാതിപ്പെട്ടു. ഇന്നലെയാണ് പാലക്കാട് സിപിഎം ജില്ലാ സെക്രട്ടറി സ്‌ഥാനത്ത്‌ നിന്ന് ഇഎൻ സുരേഷ് ബാബുവിനെ മാറ്റി പുതിയ ജില്ലാ സെക്രട്ടറിയായി മുൻ എംഎൽഎ വി. ചെന്താമരാക്ഷനെ നിയമിച്ചത്.
സംസ്‌ഥാന സെക്രട്ടറി എംവി ഗോവിന്ദൻ പങ്കെടുത്ത ജില്ലാ സെക്രട്ടേറിയേറ്റ് യോഗത്തിലാണ് തീരുമാനം ഉണ്ടായത്. പിണറായി വിജയൻ നേരിട്ട് ഇടപെട്ടാണ് സുരേഷ് ബാബുവിനെ നീക്കിയതെന്നാണ് വിവരം. സുരേഷ് ബാബുവിനെ മലപ്പുറത്തേക്ക് നേരിട്ട് വിളിച്ചു വരുത്തി പരാതി വായിച്ചു കേൾപ്പിക്കുകയായിരുന്നു. തുടർന്നാണ്, സെക്രട്ടറി സ്‌ഥാനത്ത്‌ നിന്ന് മാറിനിൽക്കാൻ പാർട്ടി ആവശ്യപ്പെട്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
