തദ്ദേശ തിരഞ്ഞെടുപ്പിലെ സ്ഥാനര്ഥി നിര്ണയം സംബന്ധിച്ച് മുന്നണിയില് പ്രശ്നങ്ങളില്ലെന്ന് പ്രതിപക്ഷ നേതാവ് രമേശ് ചെന്നിത്തല. തിരഞ്ഞെടുപ്പില് യുഡിഎഫിന് വന്വിജയം നേടാനാവുമെന്നും രാഷ്ട്രീയ സാഹചര്യം യുഡിഎഫിന് അനുകൂലമാണെന്നും ചെന്നിത്തല പറഞ്ഞു.
യുഡിഎഫില് സീറ്റ് നിര്ണയത്തില് തര്ക്കങ്ങളില്ല. വടകരയിലും കണ്ണൂരിലും ഉണ്ടായ പ്രശ്നങ്ങള് ഉടന് പരിഹരിക്കും. ചെറിയ പ്രശ്നങ്ങള് മാത്രമാണ് അവിടെ ഉണ്ടായതെന്നും അദ്ദേഹം പറഞ്ഞു. ആന്തൂരടക്കം സിപിഎം എതിരില്ലാതെ തിരഞ്ഞെടുക്കുന്നത് എതിര്കക്ഷികളെ ഭീഷണിപ്പെടുത്തുന്നത് കൊണ്ടാണെന്നും ചെന്നിത്തല ആരോപിച്ചു. കെ സുധാകരന്റേയും മുരളിധരന്റേയും പരസ്യ പ്രസ്താവനയെ പറ്റിയുള്ള ചോദ്യത്തിന് പ്രശ്നങ്ങള് പരിഹരിക്കുമെന്ന് മാത്രമായിരുന്നു ചെന്നിത്തലയുടെ മറുപടി.
