തിരുവനന്തപുരം: കേരളം ഗുണ്ടകളുടെ നാടല്ലെന്നും അവരെ പോറ്റിവളർത്തുന്നവരെയും നിയമത്തിന് മുന്നിൽ കൊണ്ടുവരുമെന്നും ആഭ്യന്തര മന്ത്രി രമേശ് ചെന്നിത്തല. സമാധാനം ആഗ്രഹിക്കുന്ന ജനങ്ങളുടെ നാടാണ് കേരളം. ഇവിടെ നിയമത്തെയും നിയമവ്യവസ്ഥയെയും വെല്ലുവിളിക്കുന്ന ഒരു ഗുണ്ടയ്ക്കും സ്ഥാനമുണ്ടാകില്ലെന്നും ആഭ്യന്തരമന്ത്രി പറഞ്ഞു.
അർജുൻ ആയങ്കിയുടെ അറസ്റ്റിന് പിന്നാലെ മാദ്ധ്യമങ്ങളോട് സംസാരിക്കുകയിരുന്നു മന്ത്രി. കേരളം ഗുണ്ടകളുടെ പറുദീസയല്ല. ജനങ്ങളുടെ സമാധാനപരമായ സ്വൈര്യ ജീവിതം ഉറപ്പുവരുത്തുകയാണ് ലക്ഷ്യം. സാമൂഹ്യ വിരുദ്ധർക്കെതിരെ ശക്തമായ നടപടി ഉണ്ടാകും. രണ്ടുമൂന്നു ദിവസമായി നിയമത്തെ വെല്ലുവിളിച്ചവരുടെ കൈകളിൽ ഇപ്പോൾ വിലങ്ങ് വീണത് എല്ലാ ഗുണ്ടകൾക്കുമുള്ള പാഠമാണെന്നും അദ്ദേഹം വ്യക്തമാക്കി.
ഗുണ്ടകളെയും സാമൂഹ്യവിരുദ്ധരെയും അടിച്ചമർത്താൻ ഓരോ പോലീസ് സ്റ്റേഷനും കേന്ദ്രീകരിച്ച് കൃത്യമായ പട്ടിക തയ്യാറാക്കിയിട്ടുണ്ട്. ആവർത്തിച്ച് കുറ്റകൃത്യങ്ങളിൽ ഏർപ്പെടുന്നവർ, കാപ്പ കേസ് പ്രതികൾ എന്നിവർ പോലീസിന്റെ കർശന നിരീക്ഷണത്തിലാണ്. മയക്കുമരുന്ന് മാഫിയകൾക്ക് എതിരെയും ഗുണ്ടാ സംഘങ്ങൾക്കെതിരെയും വിട്ടുവീഴ്ചയില്ലാത്ത നടപടി സ്വീകരിക്കും.
രാഷ്ട്രീയ സംരക്ഷണം ഉണ്ടെന്ന് കരുതി ആരും നിയമത്തിന് മുന്നിൽ നിന്ന് രക്ഷപ്പെടില്ല. നിയമം എല്ലാവർക്കും ഒരുപോലെയാണ്. പ്രതിപക്ഷ നേതാവ് പിണറായി വിജയനും എംവി ജയരാജനും അർജുൻ ആയങ്കിയെ തള്ളിപ്പറഞ്ഞ സാഹചര്യത്തിൽ ഇത്തരക്കാരെ സംരക്ഷിക്കാൻ ആർക്കും കഴിയില്ലെന്നും ആഭ്യന്തര മന്ത്രി ചൂണ്ടിക്കാട്ടി.
Most Read| ഭൂകമ്പത്തിൽ തകർന്ന വെനസ്വേലയെ അടുത്തറിയാം
