കെകെ ശ്രീജിത്തിനെ കേരള പത്രപ്രവർത്തക (KMJA) അസോസിയേഷനു വേണ്ടി എംഎ റസാഖ് എംഎൽഎ പൊന്നാട അണിയിച്ച് ആദരിക്കുന്നു / Image Courtesy: KJMA / Image Designed by Team MN
നാദാപുരം: കേന്ദ്ര സർക്കാരിന് കീഴിൽ സുപ്രീം കോടതി മുൻ ചീഫ് ജസ്റ്റിസ് സിറിയക് ജോസഫ് അധ്യക്ഷനായുള്ള ഏഴംഗ ഗ്രീവൻസ് കൗൺസിലിലേക്ക് തിരഞ്ഞെടുക്കപ്പെട്ട ‘ട്രൂവിഷൻ ന്യൂസ്’ എഡിറ്റർ ഇൻ ചീഫ് കെകെ ശ്രീജിത്തിനെ കേരള പത്രപ്രവർത്തക അസോസിയേഷൻ ആദരിച്ചു.
ഓൺലൈൻ മീഡിയകളുടെ അപ്പക്സ് ബോഡിയും പ്രമുഖ ഓൺലൈൻ മീഡിയ മാനേജ്മെന്റ് അസോസിയേഷനുമായ കോംഇന്ത്യയുടെ പ്രതിനിധിയായാണ് ശ്രീജിത്തിനെ ഗ്രീവൻസ് കൗൺസിലിലേക്ക് തിരഞ്ഞെടുത്തത്. 2021ലെ ഐടി ആക്ടിലെ മാനദണ്ഡങ്ങൾ അനുസരിച്ച് കേന്ദ്ര വാർത്താവിതരണ വകുപ്പ് ഉത്തരവുപ്രകാരമാണ് കൗൺസിൽ പ്രവർത്തിക്കുന്നത്.
എംഎ റസാഖ് എംഎൽഎ പൊന്നാട അണിയിച്ച ചടങ്ങിൽ ജില്ലാ പ്രസിഡണ്ട് എംകെ അഷറഫ് അധ്യക്ഷനായി. കേരള കൗമുദി പത്രാധിപ പുരസ്കാരം നേടിയ രഘുനാഥ് കുറ്റ്യാടി, നേപ്പാളിലെ ദുരന്തമുഖത്ത് സേവനമനുഷ്ഠിച്ച ബിജു കക്കയം എന്നിവരെയും ചടങ്ങിൽ ആദരിച്ചു.
കേരള പത്രപ്രവർത്തക അസോസിയേഷൻ സംസ്ഥാന പ്രസിഡണ്ട് മധു കടത്തുരുത്തി, ജനറൽ സെക്രട്ടറി സലിം മുഴിക്കൽ, കണ്ണൻ പന്താവൂർ, ബിജു കക്കയം, ഇസ്മയിൽ വാണിമേൽ, പികെ രാധാകൃഷ്ണൻ, വൽസരാജ് മണലാട്ട്, മുഹമ്മദലി തിനൂർ, രഞ്ജിത്ത് നിഹാര എന്നിവർ സംസാരിച്ചു.
കോൺഫെഡറേഷൻ ഓഫ് ഓൺലൈൻ മീഡിയ-ഇന്ത്യ (കോംഇന്ത്യ)യുടെ മുൻ സെക്രട്ടറിയും നിലവിൽ ട്രഷററുമായ ശ്രീജിത്ത്, 24 വർഷമായി മാദ്ധ്യമപ്രവർത്തന മേഖലയിലുണ്ട്. 17 വർഷത്തിലധികം ദേശാഭിമാനി പത്രത്തിന്റെ ലേഖകനായും വടകര ബ്യൂറോ ചീഫായും പ്രവർത്തിച്ചിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
