താമരശേരി : കോഴിക്കോട് ജില്ലയിൽ ചുരത്തിൽ റോഡ് നവീകരണം നടത്തുന്നതിന്റെ ഭാഗമായി ടാറിംഗ് ആരംഭിച്ചതോടെ ചുരത്തിൽ ഗതാഗതക്കുരുക്ക് രൂക്ഷമായി. ഇന്നലെ മുതലാണ് ടാറിംഗ് ആരംഭിച്ചത്. വൺവേയായി നിരോധനമില്ലാത്ത വാഹനങ്ങൾ കടത്തി വിടുന്നുണ്ടെങ്കിലും റോഡിനിരുവശത്തും വാഹനങ്ങളുടെ നീണ്ട നിരയാണ്.
ഇന്നലെ മുതൽ ആരംഭിച്ച ടാറിംഗിൽ 7ആം വളവ് മുതൽ ലക്കിടി വരെയാണ് ടാറിംഗ് പൂർത്തിയാക്കിയത്. അടിവാരം മുതൽ ചുരത്തിലേക്കാണ് ഇന്ന് ടാറിംഗ് നടത്തുന്നത്. കൂടാതെ തകരപ്പാടിയിൽ റോഡ് ഇടിഞ്ഞ ഭാഗത്ത് സുരക്ഷാഭിത്തി നിർമാണം പൂർത്തിയാകുകയാണ്. ഇതേ തുടർന്ന് ഇവിടെയും വൺവേയായിട്ടാണ് വാഹനങ്ങൾ കടത്തി വിടുന്നത്. എന്നാൽ ചില ഡ്രൈവർമാർ ക്യു മറികടന്ന് പോകാൻ ശ്രമിക്കുന്നതും ഗതാഗതക്കുരുക്ക് രൂക്ഷമാകാൻ കാരണമാവുന്നു.
Read also : സ്വർണക്കടത്ത് കേസ്; അഭിഭാഷക കസ്‌റ്റംസ്‌ ഓഫീസിൽ ഹാജരായി
