തിരുവനന്തപുരം: സ്വർണക്കടത്ത് കേസുമായി ബന്ധപ്പെട്ട് ചോദ്യം ചെയ്യലിനായി തിരുവനന്തപുരം സ്വദേശിയായ അഭിഭാഷക ദിവ്യ കസ്റ്റംസ് ഓഫിസിൽ ഹാജരായി. കൊച്ചിയിലെ കസ്റ്റംസ് ആസ്ഥാനത്ത് വെച്ചാണ് ചോദ്യം ചെയ്യൽ. ദിവ്യയുടെ പേരിലുള്ള ഒൻപത് സിം കാർഡുകൾ നൽകിയതാർക്ക് എന്നതിലാണ് കസ്റ്റംസ് അന്വേഷണം പുരോഗമിക്കുന്നത്.
സ്വപ്നയും സരിത്തുമായി ദിവ്യ ഫോണിൽ ബന്ധപ്പെട്ടതിന്റെ വിവരങ്ങൾ കസ്റ്റംസ് നേരത്തെ ശേഖരിച്ചിരുന്നു. തുടർച്ചയായി ഫോണിൽ ബന്ധപ്പെട്ടതിന്റെയും മറ്റു സാഹചര്യ തെളിവുകളുടെയും അടിസ്ഥാനത്തിലാണ് ചോദ്യം ചെയ്യാൻ വിളിപ്പിച്ചിരിക്കുന്നത്. മൊബൈൽ ഫോണും പാസ്പോർട്ടും ബാങ്ക് വിവരങ്ങളും ഹാജരാക്കാനും കസ്റ്റംസ് നിർദേശിച്ചിട്ടുണ്ട്.
Read also: ചെമ്പഴന്തിയിൽ ഗുണ്ടാ സംഘത്തിന്റെ അഴിഞ്ഞാട്ടം; വാൾ കാട്ടി ഭീഷണി; കവർച്ച