കാസർഗോഡ് : ജില്ലയിലെ നടവയൽ സ്വദേശിയായ കർഷക തൊഴിലാളിയെ കാട്ടാന ചവിട്ടിക്കൊന്നു. നടവയൽ കുരുന്നുംകര സ്വദേശി ജോയി ആണ് കാട്ടാനയുടെ ആക്രമണത്തിൽ മരിച്ചത്. 51 വയസായിരുന്നു.
കർണാടക എച്ച്ഡി കോട്ട താലൂക്കിൽ സർഗൂരിലെ ഇഞ്ചിപ്പാടത്ത് പണിക്ക് പോയതായിരുന്നു ജോയി. ഇതിനെ തുടർന്നാണ് ഇന്നലെ രാവിലെ 7.30ന് കാട്ടാനയുടെ ആക്രമണത്തിൽ ജോയി മരിച്ചത്. കൃഷിയിടത്തിൽ ജലവിതരണത്തിനായി പൈപ്പുകളിടാൻ സ്ഥാപിച്ച കിടങ്ങിലാണ് മൃതദേഹം കണ്ടെത്തിയത്.
ജോയിയുടെ സംസ്കാരം ഇന്ന് രാവിലെ നടവയൽ ഹോളിക്രോസ് മേജർ ആർക്കി എപ്പിസ്കോപ്പൽ പള്ളിയിൽ വച്ച് നടക്കും. ജാൻസിയാണ് ഭാര്യ. അഷിത, ആഷ്മി, അഷിൻ എന്നിവർ മക്കളാണ്.
Read also : വികെ ശശികല ഇന്ന് ചെന്നൈയിലെത്തും