കാസർഗോഡ്: കനത്ത മഴയിൽ സ്‌കൂൾ കോമ്പൗണ്ടിലെ മരം കടപുഴകി വീണ് വിദ്യാർഥിനി മരിച്ചു. കാസർഗോഡ് അംഗടിമുഗർ ഗവ.ഹയർസെക്കണ്ടറി സ്‌കൂൾ ആറാം ക്ളാസ് വിദ്യാർഥിനി ആയിഷത്ത് മിൻഹ(11) ആണ് മരിച്ചത്. അപകടത്തിൽ ഒരു കുട്ടിക്ക് പരിക്കേറ്റു. രിഹാന എന്ന കുട്ടിക്കാണ് പരിക്കേറ്റത്. വൈകിട്ട് സ്‌കൂൾ വിട്ട സമയത്താണ് അപകടം ഉണ്ടായത്.
കുട്ടികൾ സ്‌കൂൾ വിട്ടു പടവുകളിറങ്ങി വരുമ്പോൾ കോമ്പൗണ്ടിലെ മരം കടപുഴകി വീഴുകയായിരുന്നു. ആയിഷത്തും മിൻഹയും കുട ചൂടി വരുന്നതിനിടെയാണ് സംഭവം. ആ സമയത്ത് കനത്ത മഴയും കാറ്റുമുണ്ടായിരുന്നു. ഇരുവരും മരത്തിനുള്ളിൽപ്പെടുകയായിരുന്നു. രിഹാനക്ക് തലക്കാണ് പരിക്കേറ്റത്. കുട്ടിയുടെ പരിക്ക് ഗുരുതരമല്ലെന്നാണ് വിവരം. യൂസഫ്-ഫാത്തിമത്ത് സൈനബ ദമ്പതികളുടെ മകളാണ് മരിച്ച മിൻഹ.
Most Read: ചമ്പക്കുളത്ത് വനിതകൾ തുഴഞ്ഞ വള്ളം മറിഞ്ഞു; മുഴുവൻ പേരെയും രക്ഷപ്പെടുത്തി
