മലപ്പുറം: ഐക്യ രാഷ്ട്ര സഭക്ക് കീഴിലുള്ള വിവിധ സംഘടനകള് എല്ലാ വര്ഷവും ജൂലൈ 15ന് നടത്തിവരുന്ന ലോക യുവജന നൈപുണ്യ ദിനാചരണം മഅ്ദിന് ഏബ്ള് വേള്ഡ് ഭിന്നശേഷിക്കാര്ക്ക് വേണ്ടി വ്യത്യസ്തമായി നടത്തുന്നു. ഭിന്നശേഷിക്കാരുടെ നൈപുണ്യ വികസനത്തിന് ഊന്നല് നല്കിക്കൊണ്ടാണ് ഈ വര്ഷം ഏബ്ള് വേള്ഡ് വിവിധ പരിപാടികൾ ആസൂത്രണം ചെയ്തിരിക്കുന്നത്; പ്രതിനിധികൾ പത്രസമ്മേളനത്തിൽ പറഞ്ഞു.
തിരഞ്ഞെടുക്കപ്പെടുന്ന ഭിന്നശേഷിക്കാര്ക്ക് ഒരു വര്ഷം നീണ്ടു നില്ക്കുന്ന ഏബ്ള് വേള്ഡ് ഫെലോഷിപ് നല്കും. പിഎസ്സി അംഗീകൃത കമ്പ്യൂട്ടര് പരിശീലനം, മൽസര പരീക്ഷകള്ക്കുള്ള പരിശീലനം, തൊഴില് നേടാനുള്ള മാര്ഗ നിര്ദ്ദേശങ്ങള്, നേതൃ പരിശീലനം, സ്വന്തമായി സംരംഭങ്ങള് തുടങ്ങാനുള്ള സഹായം എന്നിവയാണ് ഫെലോഷിപ്പില് ഉള്പ്പെടുത്തിയിരിക്കുന്നത്.
പദ്ധതി പ്രഖ്യാപിച്ചു കൊണ്ടുള്ള ഓണ്ലൈന് സെമിനാര് നാളെ (ജൂലൈ 15) മൂന്ന് മണിക്ക് കേന്ദ്ര മാനവ വിഭവ ശേഷി മന്ത്രാലയത്തിന് കീഴില് പ്രവര്ത്തിക്കുന്ന കേരള സ്റ്റേറ്റ് റിസോഴ്സ് സെന്ററിന്റെ ഡയറക്ടർ ഡോക്ടർ എന്ബി സുരേഷ് കുമാര് ഉൽഘാടനം ചെയ്യും.
മഅ്ദിന് ചെയര്മാന് സയ്യിദ് ഇബ്റാഹീമുല് ഖലീല് അല് ബുഖാരി അധ്യക്ഷത വഹിക്കുന്ന പരിപാടിയില് ‘കാഴ്ച, കേള്വി, ബുദ്ധിപരമായ വെല്ലുവിളി നേരിടുന്നവര്ക്കുള്ള കമ്പ്യൂട്ടര് പരിശീലനമാര്ഗങ്ങളും സര്ക്കാര്-സര്ക്കാരിതര മേഖലയിലെ തൊഴില് സാധ്യതകളും‘ എന്ന വിഷയത്തില് ഭിന്നശേഷിമേഖലയിലെ പ്രമുഖര് ക്ളാസുകൾ നയിക്കും.
പ്രസിദ്ധ എഴുത്തുകാരനും സന്നദ്ധ പ്രവര്ത്തകനുമായ റഷീദ് മമ്പാട് സര്ക്കാര് ജോലിയിലുള്ള തന്റെ ജീവിതാനുഭവങ്ങള് പങ്കു വെക്കും. മഅ്ദിന് ഏബ്ള് വേള്ഡ് ചീഫ് ഓപ്പറേറ്റിംഗ് ഓഫീസര് മുഹമ്മദ് അസ്റത്ത്, അക്കാദമിക് ഡയറക്ടർ നൗഫല് കോഡൂര്, ലൈഫ്ഷോര് റിഹാബിലിറ്റേഷന് സെന്റര് ഡയറക്ടർമാരായ മുര്ഷിദ് കുട്ടീരി, ഫായിസ് പരേക്കാട്ട് എന്നിവര് പങ്കെടുക്കും. ഏബ്ള് വേള്ഡ് ഫെലോഷിപ്പ് പരമാവധി ആളുകളിലേക്ക് എത്തിക്കാന് എല്ലാ സന്നദ്ധ സംഘടനകളും വ്യക്തികളും മുന്നോട്ട് വരണമെന്ന് സംഘാടകര് അറിയിച്ചു.
Most Read: ഡെൽഹിയിൽ ദേവാലയം തകർത്ത സംഭവം; അരവിന്ദ് കെജ്രിവാളിന് മുഖ്യമന്ത്രിയുടെ കത്ത്