താമരശ്ശേരി: കോഴിക്കോട്- കൊല്ലഗൽ ദേശീയപാതയിൽ വാഹനാപകടത്തെ തുടർന്ന് തടസപ്പെട്ട ഗതാഗതം പുനഃസ്ഥാപിച്ചു. താമരശ്ശേരി ചുരത്തിൽ ഒൻപതാം വളവിന് സമീപം കെഎസ്ആർടിസി ബസും ലോറിയും കൂട്ടിയിടിച്ചാണ് അപകടം ഉണ്ടായത്. കോഴിക്കോട് നിന്ന് ബത്തേരിയിലേക്ക് പോകുന്ന സൂപ്പർ ഫാസ്റ്റും വയനാട്ടിൽ നിന്ന് കോഴിക്കോട്ടേക്ക് ചുരമിറങ്ങുകയായിരുന്ന ചരക്ക് ലോറിയുമാണ് കൂട്ടിയിടിച്ചത്. അപകടത്തിൽ ആർക്കും കാര്യമായ പരിക്കില്ല.
ബസിന്റെ ചില്ലും മുൻഭാഗവും തകർന്നു. ക്രെയിൻ ഉപയോഗിച്ച് അപകടത്തിൽ പെട്ട വാഹനങ്ങൾ നീക്കി ഗതാഗതം പുനഃസ്ഥാപിച്ചു. എങ്കിലും. ഇരുഭാഗങ്ങളിലും വാഹനങ്ങളുടെ നീണ്ട നിരയാണുണ്ടായത്. ഗതാഗതക്കുരുക്ക് മണിക്കൂറുകൾ നീണ്ടെങ്കിലും ഇപ്പോൾ ആശ്വാസമുണ്ടെന്നാണ് വിവരം.
Also Read: ലോക്ക്ഡൗണിൽ കൂടുതൽ ഇളവുകൾ; നിയന്ത്രണത്തിന് ടിപിആർ കണക്കിലെടുക്കില്ല