തിരുവനന്തപുരം: അഗ്നിപഥ് പദ്ധതിക്കെതിരായ പ്രതിഷേധം അക്രമാസക്തമാകവേ മുൻകരുതലിന്റെ ഭാഗമായി പ്ളാറ്റ്ഫോം ടിക്കറ്റ് നൽകുന്നത് റെയിൽവേ നിർത്തി. കേരളത്തിൽ തിരുവനന്തപുരം, എറണാകുളം സൗത്ത്, എറണാകുളം നോർത്ത്, കൊല്ലം, ആലപ്പുഴ, കോട്ടയം എന്നീ പ്രധാന സ്റ്റേഷനുകളിലാണ് പ്ളാറ്റ്ഫോം ടിക്കറ്റ് നൽകുന്നത് നിർത്തിയത്.
ജൂൺ 20ന് വൈകിട്ട് 6 മണി വരെയാണ് പ്ളാറ്റ്ഫോം ടിക്കറ്റ് നിരോധനം. തിങ്കളാഴ്ച ബന്ദ് പ്രഖ്യാപിച്ചെന്ന സമൂഹ മാദ്ധ്യമ പ്രചാരണത്തെ തുടർന്ന് അനിഷ്ട സംഭവങ്ങൾ ആവർത്തിക്കാതിരിക്കാനാണ് നടപടി. യാത്രാസൗകര്യം ആവശ്യമായവർക്ക് എസ്കോർട്ട് സംവിധാനം ഒരുക്കുമെന്നും റെയിൽവേ അറിയിച്ചു.
Most Read: ഭാരത് ബന്ദ്; ഔദ്യോഗിക പ്രഖ്യാപനമില്ല, ജാഗ്രതാ നിർദ്ദേശം ഇന്റലിജന്സ് വിവരമനുസരിച്ച്