ന്യൂഡെല്‍ഹി: ഇന്ത്യ അടുത്തിടെ വാങ്ങിയ അത്യാധുനിക എയര്‍ ഇന്ത്യ വണ്‍ വിമാനത്തില്‍ കന്നിയാത്ര നടത്തി രാഷ്‌ട്രപതി രാംനാഥ് കോവിന്ദ്. തിരുപ്പതി വെങ്കിടേശ്വര ക്ഷേത്രത്തില്‍ ദര്‍ശനം നടത്തുന്നതിനായി ചെന്നൈയിലേക്ക് പോകാനാണ് വിമാനത്തില്‍ രാഷ്‌ട്രപതി യാത്ര ചെയ്‌തത്.
ഭാര്യ സവിത കോവിന്ദിനൊപ്പം യാത്ര തിരിച്ച രാഷ്‌ട്രപതി റെനിഗുണ്ടയിലെ തിരുപ്പതി വിമാനത്താവളത്തില്‍ ഇറങ്ങി. കൂടുതല്‍ ദൂരം യാത്ര ചെയ്യാന്‍ സൗകര്യമുളള, മികച്ച ശബ്‌ദനിലവാരം പുലര്‍ത്തുന്ന വിമാനങ്ങളാണ് എയര്‍ ഇന്ത്യ വണ്‍ എന്ന് രാഷ്‌ട്രപതിയുടെ ഓഫീസ് ട്വീറ്റ് ചെയ്‌തു.
President Kovind boards the Air India One- B777 aircraft for inaugural flight to Chennai. The President will be visiting Tirupati, Andhra Pradesh to offer prayers at the Sri Venkateswara Swamy Temple. pic.twitter.com/R4hqJQnhTF
— President of India (@rashtrapatibhvn) November 24, 2020
പ്രധാനമന്ത്രിക്കും, രാഷ്‌ട്രപതിക്കും രാജ്യത്തിനകത്തും പുറത്തും യാത്ര ചെയ്യാനായി അമേരിക്കയുടെ എയര്‍ ഫോഴ്‌സ് വണ്‍ മാതൃകയില്‍ ഇന്ത്യ സ്വന്തമാക്കിയ വിമാനമാണ് എയര്‍ ഇന്ത്യ വണ്‍.
വിമാനത്തിന് നേരെ വരുന്ന മിസൈലുകളെ വഴിതിരിച്ചു വിടുന്ന അത്യാധുനിക മിസൈല്‍ സംവിധാനം ഇതിലുണ്ട്. അമേരിക്കയില്‍ നിന്ന് 1320 കോടി രൂപക്കാണ് മിസൈല്‍ പ്രതിരോധ സംവിധാനം വാങ്ങിയത്.
മികച്ച ഇന്ധനക്ഷമത, പത്ര സമ്മേളനം നടത്താനുളള സൗകര്യം തുടങ്ങിയവയും വിമാനത്തില്‍ ഒരുക്കിയിട്ടുണ്ട്. എണ്ണായിരം കോടിയിലേറെ ചെലവിട്ടാണ് രണ്ട് ബോയിങ്ങ് ബി-777 വിമാനങ്ങള്‍ എയര്‍ ഇന്ത്യ വണ്‍ ആക്കി മാറ്റിയെടുത്തത്. എയര്‍ ഇന്ത്യ എഞ്ചിനിയറിംഗ് സര്‍വീസിന്റെ പരിപാലന ചുമതലയിലുള്ള എയര്‍ ഇന്ത്യ വണ്‍ വിമാനം പറത്താന്‍ വ്യോമസേനയില്‍ നിന്ന് പൈലറ്റുമാര്‍ക്ക് പ്രത്യക പരിശീലനം നല്‍കിയിട്ടുണ്ട്.
Read also: കരുത്തുകൂട്ടാന്‍ ബ്രഹ്‌മോസ്; പുതിയ പതിപ്പിന്റെ പരീക്ഷണം വിജയം
