ടിനു പാപ്പച്ചന്റെ സംവിധാനത്തിൽ ആന്റണി വർഗീസ് നായകനായെത്തുന്ന ആദ്യ ബിഗ് ബഡ്‌ജറ്റ്‌ ചിത്രം ‘അജഗജാന്തരം’ മെയ് 28ന് റിലീസ് ചെയ്യും. ഉൽസവപ്പറമ്പിലേക്ക്‌ ഒരു ആനയും പാപ്പാനും എത്തുന്നതും തുടർന്ന് 24 മണിക്കൂറിനുള്ളിൽ അവിടെ നടക്കുന്ന ആകാംക്ഷ നിറഞ്ഞ സംഭവങ്ങളുമാണ് ചിത്രത്തിൽ അവതരിപ്പിക്കുന്നത്.
ആന്റണി വർഗീസിനൊപ്പം ചിത്രത്തിൽ അർജുൻ അശോകനും ചെമ്പൻ വിനോദും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കൂടാതെ ജാഫർ ഇടുക്കി, രാജേഷ് ശർമ, സാബു മോൻ, ടിറ്റോ വിൽസൺ, സുധി കോപ്പ, വിനീത് വിശ്വം, സിനോജ് വർഗീസ്, കിച്ചു ടെല്ലസ്, ലുക്മാൻ, ശ്രീരജ്‌ഞിനി തുടങ്ങിയ നിരവധി താരങ്ങൾ ചിത്രത്തിൽ അണിനിരക്കുന്നുണ്ട്.
സിൽവർ ബേ പ്രൊഡക്ഷൻസിന്റെ ബാനറിൽ എമ്മാനുവൽ ജോസഫും അജിത് തലാപ്പിള്ളിയും ചേർന്ന് നിർമിക്കുന്ന ചിത്രത്തിന്റെ തിരക്കഥ തയ്യാറാക്കിയിരിക്കുന്നത് കിച്ചു ടെല്ലസും, വിനോദ് വിശ്വവും ചേർന്നാണ്. ജിന്റോ ജോർജ് ഛായാഗ്രഹണം നിർവഹിക്കുന്ന ചിത്രത്തിൽ ഷമീർ മുഹമ്മദ് എഡിറ്റിംഗും, ജസ്‌റ്റിൻ വർഗീസ് സംഗീതവും നിർവഹിക്കുന്നു.
Read also: മൂന്ന് പെണ്ണുങ്ങളുടെ കഥയുമായി ‘ആണും പെണ്ണും’; ട്രെയ്‌ലർ പുറത്തിറങ്ങി
