കണ്ണൂർ: പാൽചുരത്തിലെ മദ്യലോറി അപകടത്തിൽ ഡ്രൈവറെ കസ്റ്റഡിയിൽ എടുത്തു. ബെംഗളൂരു സ്വദേശി കിരൺ കുമാറിനെയാണ് (26) പേരാവൂർ എക്സൈസ് സംഘം കസ്റ്റഡിയിൽ എടുത്തത്. വ്യാഴാഴ്ച പാൽചുരം വഴി പോകുന്നതിനിടെയാണ് ആശ്രമം വളവിൽ വെച്ച് ലോറി അപകടത്തിൽ പെട്ടത്.
ഹൈദരാബാദിൽ നിന്ന് കണ്ണൂർ വിമാന താവളത്തിലേക്ക് മദ്യവുമായി വന്ന ലോറിക്ക് കൂട്ടുപുഴ ചെക്ക് പോസ്റ്റ് വഴിയാണ് റൂട്ട് അനുവദിച്ചിരുന്നത്. എന്നാൽ, ഇത് മറികടന്ന് ബാവലി ചെക്ക് പോസ്റ്റ് വഴിയാണ് ലോറി വന്നത്. വഴി തെറ്റിച്ച് മദ്യം കൊണ്ടുവന്നതിനാണ് ഡ്രൈവറെയും ലോറിയും പിടികൂടിയത്.
അപകടത്തിൽ ലോറിയുടെ പകുതിയിലേറെ ഭാഗവും റോഡരികിലെ കാട്ടിലേക്ക് തെന്നിമാറി മൺതിട്ടയിൽ ഇടിച്ചു നിന്നിരുന്നു. 602 കെയ്സ് വിദേശ മദ്യമാണ് ലോറിയിൽ ഉണ്ടായിരുന്നത്.
Read Also: യുപിയിൽ രണ്ട് അല്ഖ്വയ്ദ തീവ്രവാദികൾ പിടിയിൽ