‘ഓൾ ഇന്ത്യ ടൂറിസ്‌റ്റ് പെർമിറ്റ് വാഹനങ്ങൾ സ്‌റ്റേജ് കാര്യേജ് ആക്കാനാവില്ല’; ഹൈക്കോടതി
വാഹനങ്ങൾ നിയമം ലംഘിക്കുകയാണെങ്കിൽ പിഴ ചുമത്താമെന്നും കോടതി വ്യക്‌തമാക്കി. റോബിൻ ബസുമായി ബന്ധപ്പെട്ട വിവാദങ്ങൾ സംസ്‌ഥാനത്ത്‌ വലിയ രീതിയിൽ നടക്കുന്നതിനിടെയാണ് കോടതിയുടെ നിരീക്ഷണമെന്നത് ശ്രദ്ധേയമാണ്.
കൊച്ചി: റോബിൻ ബസുമായി ബന്ധപ്പെട്ടു സംസ്‌ഥാനത്ത്‌ വലിയ രീതിയിൽ ചർച്ച നടക്കുന്നതിനിടെ, നിർണായക ഉത്തരവുമായി ഹൈക്കോടതി. ഓൾ ഇന്ത്യ ടൂറിസ്‌റ്റ് പെർമിറ്റ് വാഹനങ്ങൾ സ്‌റ്റേജ് കാര്യേജ് ആയി ഉപയോഗിക്കാനാവില്ലെന്ന് ഹൈക്കോടതി ഉത്തരവിട്ടു. വാഹനങ്ങൾ നിയമം ലംഘിക്കുകയാണെങ്കിൽ പിഴ ചുമത്താമെന്നും കോടതി വ്യക്‌തമാക്കി.
മോട്ടോർ വാഹന വകുപ്പ് ഉദ്യോഗസ്‌ഥർ പിഴ ചുമത്തിയതിനെതിരെ കൊല്ലം സ്വദേശികൾ നൽകിയ ഹരജിയിലാണ് കോടതിയുടെ നിർണായക ഉത്തരവ് പുറത്തുവന്നത്. റോബിൻ ബസുമായി ബന്ധപ്പെട്ട വിവാദങ്ങൾ സംസ്‌ഥാനത്ത്‌ വലിയ രീതിയിൽ നടക്കുന്നതിനിടെയാണ് കോടതിയുടെ നിരീക്ഷണമെന്നത് ശ്രദ്ധേയമാണ്. ഓൾ ഇന്ത്യ ടൂറിസ്‌റ്റ് പെർമിറ്റ് വാഹനങ്ങൾക്ക് സ്‌റ്റേജ് കാര്യേജ് ആയി ഉപയോഗിക്കാൻ ചട്ടമുണ്ട് എന്ന വാദമാണ് നേരത്തെ ഉയർന്നിരുന്നത്.
ഇതുമായി ബന്ധപ്പെട്ടു ബസ് ഉടമകൾ ഹൈക്കോടതിയെ സമീപിക്കുകയും ചെയ്‌തു. ബസ് പിടിച്ചെടുക്കരുതെന്ന കോടതി നിർദ്ദേശത്തിന്റെ അടിസ്‌ഥാനത്തിലാണ്‌ കഴിഞ്ഞ ദിവസങ്ങളിൽ സർവീസ് നടത്തിയത്. സമാന സാഹചര്യത്തിൽ കൊല്ലത്തെ പുഞ്ചിരി ബസ് ഉടമകളും കോടതിയെ സമീപിച്ചു. ഇതിനെ ചോദ്യം ചെയ്‌ത്‌ കെഎസ്ആർടിസി നൽകിയ ഹരജിയും ഹൈക്കോടതിയിലുണ്ട്.
പുഞ്ചരി ബസ് ഉടമകൾ നൽകിയ ഹരജി പരിഗണിക്കവേയാണ് കോടതി സുപ്രധാനമായ നിരീക്ഷണം നടത്തിയത്. 50 ശതമാനം പിഴ ഉടൻ തന്നെ അടക്കണമെന്നും ബാക്കി തുക കേസ് തീർപ്പാക്കുന്ന മുറയ്‌ക്ക്‌ അടച്ചാൽ മതിയെന്നും കോടതി വ്യക്‌തമാക്കി. സമാനമായ രീതിയിൽ മറ്റു ബസുകൾക്കും ഈ ഉത്തരവ് ബാധകമാവും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
