ശൈശവ വിവാഹം; ദക്ഷിണേന്ത്യയില്‍ ഏറ്റവും കൂടുതല്‍ ആന്ധ്രയില്‍, കുറവ് കേരളത്തിൽ

By News Bureau, Malabar News
child marriage
Representational Image

ഡെൽഹി: ദക്ഷിണേന്ത്യയില്‍ ഏറ്റവും കൂടുതല്‍ ശൈശവ വിവാഹങ്ങള്‍ നടക്കുന്നത് ആന്ധ്രാപ്രദേശിലെന്ന് ദേശീയ കുടുംബാരോഗ്യ സര്‍വേ റിപ്പോര്‍ട്. 2019ല്‍ നടന്ന സര്‍വേയുടെ ഫലങ്ങളാണ് ഇപ്പോള്‍ പുറത്തുവന്നിരിക്കുന്നത്. കേരളത്തിലാണ് ശൈശവ വിവാഹം ഏറ്റവും കുറവ്.

11,346 കേസ് സ്‌റ്റഡികളുടെ അടിസ്‌ഥാനത്തിലാണ് സര്‍വേ ഫലം പുറത്തു വന്നിരിക്കുന്നത്. ശൈശവ വിവാഹങ്ങള്‍ വര്‍ധിക്കാന്‍ കോവിഡ് മഹാമാരിയും അതേത്തുടര്‍ന്നുണ്ടായ ലോക്ക്ഡൗണും കാരണമായെന്നും സര്‍വേ ചൂണ്ടിക്കാട്ടുന്നു.

ഏറ്റവും കൂടുതല്‍ ശൈശവ വിവാഹങ്ങള്‍ റിപ്പോർട് ചെയ്‌ത ആന്ധ്രയിൽ 29.3 ശതമാനം ശൈശവ വിവാഹങ്ങളാണ് ഈ കാലയളവില്‍ നടന്നത്. മുന്‍പ് ഇത് 33 ശതമാനമായിരുന്നു. ശൈശവ വിവാഹങ്ങളുടെ എണ്ണം കുറഞ്ഞിട്ടുണ്ടെങ്കിലും ദക്ഷിണേന്ത്യയില്‍ വ്യാപകമായി ശൈശവ വിവാഹം നടക്കുന്ന സംസ്‌ഥാനമാണ് ആന്ധ്രാപ്രദേശ് എന്ന് സര്‍വേ ഫലങ്ങള്‍ സൂചിപ്പിക്കുന്നു.

കൂടാതെ 15 മുതല്‍ 19 വയസ് പ്രായമുള്ള പെണ്‍കുട്ടികള്‍ ഗര്‍ഭിണികളാകുന്നതിന്റെ നിരക്കും ആന്ധ്രാപ്രദേശില്‍ വളരെ കൂടുതലാണ്.

അതേസമയം ശൈശവ വിവാഹങ്ങളുടെ എണ്ണത്തില്‍ രണ്ടാം സ്‌ഥാനത്ത് തെലുങ്കാനയാണ്. 23.5 ശതമാനമാണ് സംസ്‌ഥാനത്ത് നടക്കുന്ന ശൈശവ വിവാഹങ്ങളുടെ നിരക്ക്. തൊട്ടുപിന്നില്‍ കര്‍ണാടകയാണ്. 21.3 ശതമാനമാണ് ഇവിടത്തെ ശൈശവ വിവാഹ നിരക്ക്. തമിഴ്‌നാട്ടില്‍ 12.8 ശതമാനം ശൈശവ വിവാഹങ്ങളാണ് റിപ്പോര്‍ട് ചെയ്‌തിരിക്കുന്നത്. ഏറ്റവും കുറവ് ശൈശവ വിവാഹം റിപ്പോർട് ചെയ്‌ത കേരളത്തിലെ നിരക്ക് 6.3 ശതമാനമാണ്.

Most Read: ‘നന്ദി’; സ്‌റ്റാലിനെ കാണാനെത്തി പേരറിവാളൻ 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE