ന്യൂഡെൽഹി: രാജ്യത്ത് അറുപത്തിയെട്ട് ശതമാനം ജനങ്ങളിൽ കോവിഡിന് എതിരെയുള്ള ആന്റിബോഡി ഉള്ളതായി സിറോ സർവേ റിപ്പോർട്. മൂന്നിലൊന്ന് ജനങ്ങൾ ഇപ്പോഴും കോവിഡ് ഭീഷണി നേരിടുന്നുണ്ടെന്ന് റിപ്പോർട്ടിൽ പറയുന്നു. നാലാമത്തെ ദേശീയ സിറോ സർവേ റിപ്പോർട്ടിലാണ് ഈ വിവരം.
ആന്റി ബോഡി ആർജിച്ചത് വാക്‌സിനേഷനിലൂടെയോ രോഗബാധയിലൂടെയോ ആവാമെന്നും റിപ്പോർട്ടിൽ പറയുന്നു. 45നും 60നും ഇടയിലുള്ളവരിലാണ് കൂടുതൽ പേർ ആന്റി ബോഡി ആർജിച്ചത്, 77.6 ശതമാനം. ആറ് വയസിനും ഒൻപത് വയസിനും ഇടയിലുള്ള കുട്ടികളിൽ 57.2 ശതമാനം പേർ ആന്റി ബോഡി ആർജിച്ചിട്ടുണ്ട്.
പത്തിനും പതിനേഴിനും ഇടയിൽ പ്രായമുള്ള 61.6 ശതമാനം പേരിലും ആന്റി ബോഡി കണ്ടെത്തി. ആന്റി ബോഡി ആർജിച്ചവരിൽ 62.2 ശതമാനവും വാക്‌സിൻ എടുക്കാത്തവരാണെന്നും സർവേ വ്യക്‌തമാക്കുന്നു. രണ്ട് ഡോസ് വാക്‌സിൻ എടുത്ത ആന്റി ബോഡി ആർജിച്ചവർ 13 ശതമാനമാണ്.
Read Also: പീഡന പരാതി ഒത്തുതീർപ്പാക്കാൻ ശ്രമിച്ചെന്ന ആരോപണം; മുഖ്യമന്ത്രിക്ക് വിശദീകരണം നൽകി എകെ ശശീന്ദ്രൻ
