കോഴിക്കോട്: ജില്ലയിൽ സ്പെഷ്യൽ തപാൽ വോട്ടുകളും ആവശ്യസർവീസ് വോട്ടുകളും ഉൾപ്പടെ ഇന്നലെ വരെ 63,233 തപാൽ വോട്ടുകൾ ലഭിച്ചു. ഹാജരാകാത്ത വോട്ടർമാരുടെ വിഭാഗത്തിൽ 33,734 പേരാണ് വീടുകളിൽ വോട്ട് രേഖപ്പെടുത്തിയത്. ഇതിൽ വീടുകളിൽ കഴിയുന്ന ഭിന്നശേഷിക്കാരുടെ വിഭാഗത്തിൽ 7,229 പേരും 80 വയസിന് മുകളിലുള്ളവരുടെ വിഭാഗത്തിൽ 26,479 പേരും കോവിഡ് രോഗികളും ക്വാറന്റെയ്നിൽ കഴിയുന്ന 26 പേരുമാണ് വോട്ട് രേഖപ്പെടുത്തിയത്.
അവശ്യസർവീസ് വിഭാഗത്തിൽ പെടുന്ന 4,293 പേർ വോട്ടു രേഖപ്പെടുത്തി. ജില്ലയിൽ സർവീസ് വോട്ടുകളടക്കം 30,824 തപാൽ ബാലറ്റുകളാണ് ജീവനക്കാർക്ക് വിതരണം ചെയ്തത്. ഇന്നലെ വൈകിട്ട് 5 വരെ ഇരുവിഭാഗങ്ങളിലുമായി 25,206 ബാലറ്റുകളാണ് തിരികെ ലഭിച്ചത്. ജീവനക്കാരുടെ തപാൽ വോട്ടുകൾ ഇന്നു രാവിലെ 8 വരെ സ്വീകരിക്കും.
Also Read: വാക്സിനേഷൻ കേന്ദ്രങ്ങൾ കോവിഡ് പടർത്തുന്ന കേന്ദ്രങ്ങളാകരുത്; മുഖ്യമന്ത്രി