തിരുവനന്തപുരം: അവശേഷിച്ച നാല് സീറ്റുകളിൽ കൂടി സിപിഐ സ്ഥാനാർഥികളെ പ്രഖ്യാപിച്ചു. നാട്ടികയില് സിറ്റിങ് എംഎല്എ ഗീത ഗോപിയെ ഒഴിവാക്കി പകരം സിസി മുകുന്ദനെ സ്ഥാനാർഥിയാക്കി. ചടയമംഗലത്ത് വനിതാ പ്രാതിനിധ്യം കൂടി ഉറപ്പാക്കി ജെ ചിഞ്ചുറാണിക്ക് സീറ്റ് നല്കി.
പറവൂരില് വിഡി സതീശനെതിരെ എംടി നിക്സണും ഹരിപ്പാട് രമേശ് ചെന്നിത്തലക്കെതിരെ എഐവൈഎഫ് സംസ്ഥാന പ്രസിഡണ്ട് ആര് സജിലാലും മൽസരിക്കും. വനിതാ പ്രാതിനിധ്യം ഉറപ്പാക്കാന് ഗീത ഗോപിക്ക് മൂന്നാം ടേം കൂടി നല്കണമെന്ന നിര്ദേശം സംസ്ഥാന നേതൃത്വം മുന്നോട്ടു വെച്ചിരുന്നു.
എന്നാല് ജില്ലാ നേതൃത്വം ഇത് അംഗീകരിച്ചില്ല. പകരം സിസി മുകുന്ദനെ നിര്ദേശിക്കുക ആയിരുന്നു. സിപിഐ സ്ഥാനാർഥികളില് ഇത്തവണ വനിതാ പ്രാതിനിധ്യം കുറഞ്ഞിട്ടുണ്ട്. വൈക്കത്ത് മൽസരിക്കുന്ന സികെ ആശയും ജെ ചിഞ്ചുറാണിയും മാത്രമാണ് വനിതകളായിട്ടുള്ളത്.
സിപിഐ 25 സീറ്റിലാണ് ഇത്തവണ നിയമസഭാ തിരഞ്ഞെടുപ്പിൽ മത്സരിക്കുന്നത്. ഇതില് 21 സീറ്റില് നേരത്തെ സ്ഥാനാർഥികളെ പ്രഖ്യാപിച്ചിരുന്നു.
സിപിഐ സ്ഥാനാർഥി പട്ടിക
1.നെടുമങ്ങാട് – ജി ആർ അനിൽ
2.ചിറയിൻകീഴ് – വി ശശി
3.ചാത്തന്നൂർ – ജിഎസ് ജയലാൽ
4. പുനലൂർ – പിഎസ് സുപാൽ
5. കരുനാഗപ്പള്ളി – ആർ രാമചന്ദ്രൻ
6. ചേർത്തല – പി പ്രസാദ്
7. വൈക്കം – സികെ ആശ
8.മൂവാറ്റുപുഴ – എൽദോ എബ്രഹാം
9. പീരുമേട് – വാഴൂർ സോമൻ
10. തൃശൂർ – പി ബാലചന്ദ്രൻ
11. ഒല്ലൂർ – കെ രാജൻ
12. കൈപ്പമംഗലം – ഇടി ടൈസൺ
13. കൊടുങ്ങല്ലൂർ – വിആർ സുനിൽ കുമാർ
14. പട്ടാമ്പി – മുഹമ്മദ് മുഹ്സിൻ
15. മണ്ണാർക്കാട് – സുരേഷ് രാജ്
16. മഞ്ചേരി – ഡിബോണ നാസർ
17. തിരൂരങ്ങാടി – അജിത്ത് കോളോടി
18. ഏറനാട് – കെടി അബ്ദുൽ റഹ്മാൻ
19. നാദാപുരം – ഇകെ വിജയൻ
20. കാഞ്ഞങ്ങാട് – ഇ ചന്ദ്രശേഖരൻ
21. അടൂർ – ചിറ്റയം ഗോപകുമാർ
22. ചടയമംഗലം- ജെ ചിഞ്ചുറാണി
23. ഹരിപ്പാട്- ആർ സജിലാല്
24. പറവൂർ – എംടി നിക്സണ്
25. നാട്ടിക – സിസി മുകുന്ദന്
National News: മാസ്ക് ധരിക്കാത്ത യാത്രക്കാരെ വിമാനത്തിൽ നിന്ന് ഇറക്കിവിടാം; ഡിജിസിഎ