തിരുവനന്തപുരം: കോട്ടൂരിൽ കഞ്ചാവ് മാഫിയ സംഘം പോലീസിനെ ആക്രമിച്ച സംഭവത്തിൽ പതിനൊന്ന് പേര്‍ പിടിയിൽ. മുഖ്യപ്രതി കാട്ടാക്കട സ്വദേശി ഹരികൃഷ്‌ണൻ അടക്കമുള്ളവരാണ് പിടിയിലായത്. കേസിൽ അമൻ എന്നയാളെ നേരത്തേ തന്നെ പോലീസ് അറസ്‌റ്റ്‌ ചെയ്‌തിരുന്നു. ഇയാളെ സംഭവ സ്‌ഥലത്തെത്തിച്ച് പോലീസ് ഇന്ന് തെളിവെടുപ്പ് നടത്തി.
വെള്ളിയാഴ്‌ച പുലർച്ചെയോടെയാണ് പോലീസിന് നേരെ കഞ്ചാവ് മാഫിയയുടെ ആക്രമണം ഉണ്ടായത്. പ്രദേശത്തെ കോളനിയിൽ ഒരാഴ്‌ച മുൻപ് കഞ്ചാവ് വിൽക്കുന്ന സംഘം ഒരു യുവാവിനെ ആക്രമിച്ചിരുന്നു. ഈ കേസിലെ സാക്ഷിയായ കോട്ടൂർ സ്വദേശി സജികുമാറിന്റെ വീടിന് നേരെയും പ്രതികൾ അക്രമം നടത്തിയിരുന്നു. തുടർന്ന് സംഭവ സ്‌ഥലത്തെത്തിയ നെയ്യാർ ഡാം പോലീസിന് നേരെയും പ്രതികൾ അക്രമം അഴിച്ചുവിടുകയായിരുന്നു.
പോലീസ് ജീപ്പിന് നേരെ അക്രമികൾ പെട്രോൾ ബോംബ് എറിഞ്ഞ പ്രതികൾ കൂടുതല്‍ പോലീസുകാര്‍ എത്തിയതോടെ അക്രമി സംഘം ഓടി രക്ഷപെട്ടു . ആക്രമണത്തിൽ നെയ്യാർ ഡാം സ്‌റ്റേഷനിലെ സിവിൽ പോലീസ് ഓഫീസർ ടിനോ ജോസഫിന് പരിക്കേറ്റിരുന്നു. കസ്‌റ്റഡിയിലായ പ്രതികളെ നാളെ കോടതിയിൽ ഹാജരാക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
