ന്യൂഡെൽഹി: രാജ്യത്തിന്റെ ഉന്നതിയുടെയും ആത്മീയതയുടെയും കേന്ദ്രമായിരിക്കണം അയോധ്യയെന്ന് പ്രധാനമന്ത്രി നരേന്ദ്രമോദി. രാമക്ഷേത്ര നിര്മാണത്തിന്റെ വികസന പ്രവര്ത്തനങ്ങള് വിലയിരുത്താന് ചേര്ന്ന ഉന്നതതല യോഗത്തിലാണ് പ്രധാനമന്ത്രിയുടെ പരാമര്ശം. ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് അടക്കം നിരവധി ഉന്നത ഉദ്യോഗസ്ഥര് യോഗത്തിൽ പങ്കെടുത്തു. കോവിഡ് സാഹചര്യമായതിനാൽ ഓൺലൈനായാണ് യോഗം ചേർന്നത്.
“അയോധ്യ നഗരമെന്നത് ഓരോ ഇന്ത്യക്കാരന്റേതുമാകണം. ഒരിക്കലെങ്കിലും അയോധ്യയില് സന്ദര്ശനം നടത്താന് എല്ലാവര്ക്കും തോന്നണം”- പ്രധാനമന്ത്രി പറഞ്ഞു. അയോധ്യ നഗരവികസനത്തിന്റെ ബ്ളൂപ്രിന്റ് മുഖ്യമന്ത്രി യോഗി ആദിത്യനാഥ് യോഗത്തില് വിശദീകരിച്ചു. വിമാനത്താവളം ഉൾപ്പടെയുള്ള വികസന പദ്ധതികളാണ് അയോധ്യയില് നടപ്പാക്കുന്നത്. അയോധ്യ വികസന പ്രവര്ത്തനങ്ങളുടെ പുരോഗതി വിലയിരുത്താന് ഇത് രണ്ടാം തവണയാണ് യോഗം ചേരുന്നത്.
Read also: ട്വിറ്ററിനെതിരെ ബാലാവകാശ കമ്മീഷൻ വീണ്ടും; പോക്സോ പ്രകാരം കേസെടുക്കണമെന്ന് ആവശ്യം