കൊച്ചി: വയലിനിസ്റ്റ് ബാലഭാസ്കറിന്റെ മരണവുമായി ബന്ധപ്പെട്ട് കലാഭവന് സോബിയെ വീണ്ടും നുണപരിശോധനക്ക് വിധേയമാക്കും. കൊച്ചിയിലെ സിബിഐ ഓഫീസിലാണ് പരിശോധന നടക്കുന്നത്. ചെന്നൈയിലെയും ഡല്ഹിയിലെയും ഫോറന്സിക് വിദഗ്ധരാണ് നുണപരിശോധന നടത്തുന്നത്. സിബിഐ സംഘം പരിശോധനക്ക് ഹാജരാകാന് സിബിഐ സംഘം സോബിയോട് ആവശ്യപ്പട്ടു.
കേസിലെ ദുരൂഹതകള് വ്യക്തമാകാന് വേണ്ടിയാണ് കലാഭവന് സോബി, ബാലഭാസ്കറിന്റെ സുഹൃത്ത് വിഷ്ണു സോമസുന്ദരം, പ്രകാശന് തമ്പി, ഡ്രൈവര് അര്ജുന് എന്നിവരെ സിബിഐ നുണപരിശോധനക്ക് വിധേയരാക്കിയത്. അര്ജ്ജുന്റെയും പ്രകാശന് തമ്പിയുടെയും നുണപരിശോധന തന്നെ നടത്തിയിരുന്നു. വിഷ്ണുവിനെയും സോബിയേയും കഴിഞ്ഞ ദിവസം നുണപരിശോധനക്ക് വിധേയനാക്കിയിരുന്നു. എന്നാല്, കൂടുതല് വിവരങ്ങള് ലഭിക്കാത്ത സാഹചര്യത്തിലാണ് സോബിയെ വീണ്ടും നുണപരിശോധനക്ക് വിധേയനാക്കുന്നത്.