കാസർഗോഡ് : ജില്ലയിലെ കൊളത്തൂരിൽ സൗഹൃദ ബറോട്ടി ക്ളബ്ബിന്റെ നേതൃത്വത്തിൽ പറവകൾക്ക് തണ്ണീർ കുടമൊരുക്കി. വേനൽ കടുത്തതോടെ പുഴകളും കുളങ്ങളും അടക്കമുള്ള ജലാശയങ്ങൾ വറ്റിവരണ്ടത് പക്ഷികളെ പ്രതികൂലമായി ബാധിച്ചിട്ടുണ്ട്. ഈ സാഹചര്യത്തിൽ വെള്ളം ലഭിക്കാതെ പക്ഷികൾ ചത്തൊടുങ്ങുന്നത് തടയുന്നതിന് വേണ്ടിയാണ് സൗഹൃദ ബറോട്ടി ക്ളബ്ബ് പ്രവർത്തകർ പ്രവർത്തനം ഏറ്റെടുത്തത്.
മനുഷ്യരെ പോലെ എല്ലാ ജീവജാലങ്ങളുടേയും നിലനിൽപ്പിനായി രംഗത്തിറങ്ങണമെന്ന സന്ദേശമാണ് പദ്ധതിയിലൂടെ ക്ളബ് മുന്നോട്ട് വെക്കുന്നത്. പദ്ധതിയുടെ ഭാഗമായി ഒട്ടേറെ പക്ഷികൾ എത്തുന്ന സ്ഥലങ്ങളിലെ മരച്ചില്ലകളിൽ വെള്ളം നിറച്ച മൺകുടം പ്രവർത്തകർ സ്ഥാപിച്ചു. കൂടാതെ കൃത്യമായി വെള്ളം നിറക്കാൻ ക്ളബ്ബ് അംഗത്തെ ചുമതലപ്പെടുത്തുകയും ചെയ്തിട്ടുണ്ട്.
Read also : പരീക്ഷ എഴുതാത്ത വിദ്യാർഥികൾക്ക് സ്ഥാനക്കയറ്റം നൽകില്ല; തമിഴ്നാട് സർക്കാർ