കൊച്ചി: കേരളത്തിലെ എൻഡിഎയുടെ സഖ്യകക്ഷിയായ ഭാരത് ധർമ ജനസേന (ബിഡിജെഎസ്) പിളർന്നു. ബിഡിജെഎസ് അധ്യക്ഷൻ തുഷാർ വെള്ളാപ്പള്ളിയുടെ വിശ്വസ്‌തനായിരുന്ന വി ഗോപകുമാർ, കെകെ ബിനു, എൻകെ നീലകണ്‌ഠൻ എന്നിവരുടെ നേതൃത്വത്തിൽ പുതിയ പാർട്ടി രൂപീകരിച്ചു. ബിജെഎസ് (ഭാരതീയ ജനസേന) എന്നാണ് പുതിയ പാർട്ടിയുടെ പേര്.
വരാനിരിക്കുന്ന നിയമസഭാ തിരഞ്ഞെടുപ്പിൽ പാർട്ടി യുഡിഎഫിനൊപ്പം പ്രവർത്തിക്കും. എൻകെ നീലകണ്‌ഠൻ (പ്രസിഡണ്ട്), വി ഗോപകുമാർ, കെകെ ബിനു (വർക്കിംഗ് പ്രസിഡണ്ടുമാർ), കെഎസ് വിജയന്‍ (ജനറല്‍ സെക്രട്ടറി), ബൈജു എസ് പിള്ള (ട്രഷറർ) എന്നിവരുടെ നേതൃത്വത്തിൽ 15 അംഗ സംസ്‌ഥാന സെക്രട്ടറിയേറ്റും, 50 അംഗ സംസ്‌ഥാന എക്‌സിക്യൂട്ടീവും നിലവിൽ വന്നു. ബിഡിജെഎസിലെ ഭൂരിപക്ഷം സംസ്‌ഥാന കൗണ്‍സില്‍ നേതാക്കളും 11 ജില്ലാ കമ്മിറ്റികളും ഒപ്പമുണ്ടെന്ന് ഇവർ അവകാശപ്പെട്ടു.
Read Also: യൂത്ത് ലീഗ് ഫണ്ട് വിവാദം; പണപ്പിരിവ് നടന്നില്ലെന്ന വാദം പച്ചക്കള്ളം; കെടി ജലീൽ
