തിരുവനന്തപുരം: ജില്ലയിലെ കിളിമാനൂർ പുല്ലയിൽ തേനീച്ചക്കുത്തേറ്റ് ഒരാൾ മരിച്ചു. പുല്ലയിൽ മൊട്ടലുവള രേവതി ഭവനിൽ (55) വി ബാബുവാണ് മരിച്ചത്. മൊട്ടലുവള വാട്ടർടാങ്കിന് സമീപം മരത്തിന് മുകളിൽ ഉണ്ടായിരുന്ന തേനീച്ചക്കൂട് ഇളകിയതിനെ തുടർന്ന് തേനീച്ചകൾ കൂട്ടത്തോടെ പ്രദേശവാസികളെ ആക്രമിക്കുകയായിരുന്നു. ഇന്ന് രാവിലെ 9.30ഓടെയായിരുന്നു സംഭവം.
ഇരുചക്രവാഹനത്തിൽ ഇതുവഴി പോയ യാത്രക്കാർക്കും തേനീച്ചക്കുത്തേറ്റു. വൈകിട്ട് മൂന്ന് മണിയോടെ വീണ്ടും തേനീച്ചകൾ ആക്രമണം തുടങ്ങിയതോടെ കൂടുതൽ പേർക്ക് പരിക്കേറ്റു. തുടർന്ന്, നഗരൂർ പോലീസും വെഞ്ഞാറമൂട് നിന്ന് ഫയർഫോഴ്‌സും സ്‌ഥലത്തെത്തി നാട്ടുകാരെ സുരക്ഷിതമായ പ്രദേശത്തേക്ക് മാറ്റി.
Also Read: കഴിഞ്ഞ അഞ്ച് വര്‍ഷം സർക്കാർ എന്ത് ചെയ്‌തു; ഏത് അന്വേഷണത്തിനും തയാർ; ഉമ്മൻ ചാണ്ടി
